Б.УУГАНБАЯР
Экс Ерөнхийлөгч Ц.Элбэгдоржийн төрсөн ах Ц.Арсландоржийн хүү Даянтөмөр гэгч 3 хүний хамт Хятадын хоёр иргэнийг барьцаалж, нэгийнх нь амийг хөнөөсөн гэх онц ноцтой хэрэг гарлаа. Хууль дуудсан бол зангиагаа зүүгээд, гутлаа тослоод АТГ-т очно гээд Америк руу нисээд шувуу болсон Ц.Элбэгдоржийн ач дүүг 2 хятад, 1 монголын хамт баривчлан саатуулсан байна. Өөр улс оронтой жишвэл, экс Еөк Клинтоны ач, Ху Жин Таогийн ахын хүүхэд хөрш зэргэлдээ орныхоо иргэний амийг бүрэлгэсэн гэмээр балмад хэрэг юм.
Ц.Элбэгдорж есөн хөлт туг тойрон дэвсэн Ерөнхийлөгч байхдаа төрсөн ах Ц.Арсландоржоо Бээжинд суух төмөр замын төлөөлөгчөөр томилуулсан. Ар гэр нь улсын хөрөнгөөр Бээжинд амьдрах болж, А.Даяндорж Хятадад сурсан юм байна. Хөрөнгө оруулагчдыг залж авчраад хууль хүчний дарга нар нь өөрсдөө тонож дээрэмддэг, хөрш зэргэлдээ орны иргэдээ алж талдаг, нэг орчихвол буцаад гарч болдоггүй Hotel Mongolia хоч нэр зүүсээр байвал хөгжил дэвшил яриад ч хэрэггүй юм.
|
Нийгэм
