Монголын Үндэсний Паралимпын хорооны жил бүр уламжлал болон зохиогддог Паралимпын оны шилдэг тамирчид, дасгалжуулагчид, холбоод, хамтрагч байгууллагуудыг шалгаруулдаг ёслолын ажиллагаа боллоо.
Энэ онд Монголын Үндэсний Паралимпын хорооны тамирчид, холбоод Парис 2024 зуны Паралимпын наадамд 12 эрх аван, 1 алтан медаль, 3 мөнгөн медаль авсан түүхэн амжилттайгаар оролцлоо. Мөн Дэлхийн аварга шалгаруулах тэмцээн, Дэлхийн цомын цуврал тэмцээн, Дэлхийн чансааны олон улсын тэмцээнүүдэд нийт 49 медаль үүнээс 22 алтан медаль,19 мөнгөн медаль, 8 хүрэл медаль хүртжээ.
Паралимпын наадмын анхны эмэгтэй аварга У.СҮРЭНЖАВ, Паралимпын наадмын анхны багц медальтан Э.СОДНОМПИЛЖЭЭ нарын гаргасан Монгол улсын спортын түүхэн амжилтуудтай жил боллоо.
Монголын Үндэсний Паралимпын хороо 2024 оны шилдгүүдийг танилцуулвал:
Шилдэг Дэмжигч байгууллага 2024 - НЭТ КАПИТАЛ САНХҮҮГИЙН ГРУПП
Шилдэг Ивээн Тэтгэгч байгууллага 2024 - “БҮК-2” ХХК
Шилдэг Сурталчилагч 2024 - CENTRAL TV
Шилдэг Залуу тамирчин 2024 – Д.ЖИГМЭД /Пауэрлифтингийн Дэлхийн цомын тэмцээний аварга, Залуучуудын Ази тивийн рекорд шинэчлэн тогтоосон/
Шилдэг Дасгалжуулагч 2024 – Д.БАТНАСАН /МУГД, ТАЕКВОНДО/
Шилдэг Дасгалжуулагч 2024 – Д.БАТТУЛГА /МУГД, ПАУЭРЛИФТИНГ/
Шилдэг Дасгалжуулагч 2024 – Д.МАХАШИРИ /МУГД, ХӨНГӨН АТЛЕТИК/
Шилдэг Эмэгтэй тамирчин 2024 – Д.СЭЛЭНГЭЭ /ОУХМ, Парис 2024 Паралимпын наадмын Байт харвааны шагналт 4-р байр/
Шилдэг Эрэгтэй Тамирчин 2024 – Э.СОДНОМПИЛЖЭЭ /Пауэрлифтингийн МУ-ын Хөдөлмөрийн баатар, МУ-ын гавъяат тамирчин/
Шилдэг Эрэгтэй Тамирчин 2024 – Г.БОЛОР-ЭРДЭНЭ /Таеквондо, МУ-ын Гавъяат тамирчин/
Шилдэг Эрэгтэй Тамирчин 2024 – Ц.БАТТУЛГА /Хөнгөн Атлетик, МУ-ын Гавъяат тамирчин/
Шилдэг Холбоо 2024 – МОНГОЛЫН ПАРА ТАЕКВОНДОГИЙН ХОЛБОО
МҮПХ-ны Ерөнхийлөгчийн Нэрэмжит Шагнал 2024 – Д.БАТЖАРГАЛ /МҮОНРТВ спортын сэтгүүлч, Паралимпын наадмуудад Монгол Улсын паралимпын багийн хэвлэлийн төлөөлөгчөөр ажилласан/
Шилдэгийн Шилдэг Дасгалжуулагч 2024 – НАРАНЧИМЭГИЙН ЭРДЭНЭБААТАР /Таеквондо, МУ-ын Гавъяат дасгалжуулагч/
Шилдэгийн Шилдэг Тамирчин 2024 – УЛАМБАЯРЫН СҮРЭНЖАВ /Таеквондо, МУ-ын Хөдөлмөрийн баатар, Паралимпын наадмын Монгол улсын анхны эмэгтэй аварга/
Мөн Монголын Үндэсний Паралимпын хорооны дээд шагнал болох Алтан Нар одонг МҮПХ-ны Ерөнхийлөгч Д.Нямхүү Паралимпыг түгээн дэлгэрүүлэх үйлсэд оруулж буй хувь нэмрийг нь үнэлэн МҮПХ-ны Ажлын албаны дарга Ж.Тунгалагт гардуулсан юм.
Оны шилдгүүдээ шалгаруулах баяр дээр баяр нэмэн МУСГЗ, Яруу найрагч Ш.Гүрбазар Паралимпын тамирчдад зориулан бичсэн Домгийн Шувуу дууг дурсгал болгон МҮПХ-нд бэлэглэлээ.