Б.УУГАНБАЯР
Архангай аймгийн байгаль орчин, аялал жуулчлалын газраас байгалийн давагдашгүй хүчин зүйл тохиох нөхцөлд зэрлэг амьтдад зориулж биотехникийн арга хэмжээг авсаар ирсэн.
2024 оны өвөл, хавар 28 удаагийн биотехникийн арга хэмжээ авчээ. Өвөлжилт хүндэрсэн учраас зэрлэг амьтдын идэш тэжээлийн хангамжийг сайжруулах, тогтвор суурьшилтай байдлыг хангах, өвөлжилтөд дэмжлэг үзүүлэх зорилгоор зэрлэг амьтад бүхий Ихтамир, Чулуут, Хашаат, Хангай, Цахир, Булган, Өлзийт, Цэцэрлэг, Тариат, Эрдэнэмандал сумын 25 цэгт 17.2 тонн өвс, 4.3 тонн хужир мараа, 2.1 тонн хорголжин тэжээл тавьжээ.
Зэрлэг амьтны амьдрах орчныг сайжруулж, хоол тэжээл, усан хангамжийг нэмэгдүүлснээр амьтны тоо толгойн хорогдол багассан үзүүлэлт гарсан байна.
2023 онд аймгийн хэмжээнд 5 суманд биотехникийн арга хэмжээ авчээ.
|
Нийгэм
