Нийслэлийн Чингэлтэй дүүргийн тавдугаар хороонд Суудлын автомашин авто замын хажуугийн гэрэлтүүлгийн төмөр тулгуур багана мөргөж, хоёр хүн автомашины бүхээгт хавчуулагдсан тухай дуудлагыг нэгдүгээр сарын 28-ны өдрийн 01:13 цагт Онцгой байдлын газарт хүлээн авчээ. Нийслэлийн Аврах ангийн алба хаагчдыг очиход Баянзүрх дүүргийн 19 дүгээр  хорооны харьяат иргэн Б /21 настай, эрэгтэй/, Э /20 настай эрэгтэй/ нар “Кровн” загварын автомашинаар зорчиж явахдаа гэрэлтүүлгийн төмөр тулгуур багана мөргөж автомашиныхаа эд ангид хавчуулагдан гэмтсэн байсныг эсэн мэнд гаргаж, Нийслэлийн түргэн тусламжийн төвд шилжүүлэн өгчээ.