АДМИН
Фото зургийг | MPA
Нийтийн тээврийн бодлогын газарт 2025 оны 3 дугаар сарын 25-31-ний өдөр иргэдээс ирсэн санал, хүсэлт, гомдлыг хэрхэн шийдвэрлэснийг хүргэж байна.
Талархал: М:3 “Архивын ерөнхий газар-Сүхбаатарын талбай” чиглэлийн 15-053 гарааш дугаартай автобусны жолоочид талархал илэрхийлж байна. Тэргэнцэртэй хүнд бууж ирээд эелдэг түргэн шуурхай үйлчилж байна.
Иргэний гомдол: Баянзүрх дүүргийн иргэн Р.Г: Ч:31 “Улиастай шинэ эцэс-Дэнжийн 1000-ын 4-р зогсоол” чиглэлд явж байгаа 19-094 гарааш дугаартай автобусны жолооч нь бэлэн мөнгө аваад байна арга хэмжээ авч хариу өгнө үү.
Шийдвэрлэлт: Диспетчер Дэлгэрт 19-094 гарааш дугаартай автобусны жолоочид хариуцлага тооцож гомдол гаргагчид хариу өгөхийг үүрэг болгов.
Иргэний гомдол: Сонгинохайрхан дүүргийн иргэн Х.А: Ч:37 “Улаанхуаран-4-р хороолол” чиглэлийн 1-173 гарааш дугаартай автобусны жолооч зүв зүгээр зогсож байхад хэл амаар доромжлоод загнаад хөөсөн. Би маш их гайхлаа намайг хэлж байна гэж мэдээгүй. Яагаад ингэснийг шалгаж тухайн жолоочид арга хэмжээ авч надад хариу мэдэгдэнэ үү.
Шийдвэрлэлт: Диспетчер Мөнгөн-Оргилд 1-173 гарааш дугаартай автобусны жолоочтой холбоотой асуудлыг шийдвэрлэж, гомдол гаргагчид хариу өгөхийг мэдэгдэв.
Иргэний гомдол: Сүхбаатар дүүргийн иргэн М: Х:2 “Шарга морьт-7 буудал” чиглэлийн 25-038 гарааш дугаартай автобус хүнээ авахгүй байна. Ийм асуудлаар удаа дараа гомдол гаргасан хариу өгдөггүй асуудлыг шийдэж эргэж хариу мэдэгдэнэ үү.
Шийдвэрлэлт: 25-038 гарааш дугаартай автобусны жолооч Д.Б-т торгуулийн арга хэмжээ тооцсон.
Иргэний гомдол: Сонгинохайрхан дүүргийн иргэн Т: Орой 20:00 цагийн үед Чингис СООСЭ дээр Ч:57 “Алтан овоо 48-р гудамж-МУИС” чиглэлийг 1 цаг гаруй хүлээж байж суусан. Жолоочид шаардлага тавьсны төлөө хэл амаар доромжилсон. Гомдолтой байна. Арга хэмжээ тооцож, хариу өгөөрэй.
Шийдвэрлэлт: 2-085 гарааш дугаартай автобусны жолооч М-д торгуулийн арга хэмжээ тооцсон.
Иргэний гомдол: Иргэн Ш: Шугамд явж байгаа автобуснууд эрээн мяраан болж хувирлаа. Бөөн реклам болсон байна. Хаалга нь ч мэдэгдэхгүй, цонх нь ч мэдэгдэхгүй автобуснууд олон явж байна. Хажуу талд нь аль чиглэлийн автобус болох нь мэдэгдэхгүй хаяг, гарааш дугаар байхгүй байна. Харьяалах ААНБ-д нь асуудлыг тавимаар байна.
Шийдвэрлэлт: Мэдээллийг холбогдох удирдлагуудад танилцуулсан.
Иргэний гомдол: Сонгинохайрхан дүүргийн иргэн Н.Т: Ч:75 “Архивын ерөнхий газар-5 шар” чиглэлийн 3-075 гарааш дугаартай автобусны жолооч 5 шараас хоосон хүнээ авахгүй явсан. 06:16 цагт Архивын ерөнхий газраас эхтэй байсан боловч 06:40 цагт Мах маркетаас эх аваад 5-н шар хүртэл хоосон яваад буцаад Архивын ерөнхий газар хүртэл хүн аваагүй.
Шийдвэрлэлт: Зорчигч тээвэр гурав автобус баазын ашиглалтын инженер Энхтүвшин 3-075 гарааш дугаартай автобусны жолооч Б-гийн асуудлыг шийдвэрлэхээр болсон.
Иргэний гомдол: Хан-Уул дүүргийн иргэн Ч.М: Ч:7 “Нисэх-Ард кино театр” чиглэлд явж байгаа 14-046 гарааш дугаартай автобусны жолооч тамхи татсан. Энэ жолоочдоо арга хэмжээ авч хариу өгнө үү.
Шийдвэрлэлт: Автотерминал трейд ХХК-ийн 14-046 гараашийн дугаартай автобусны жолоочийн гаргасан зөрчилд Зөрчлийн тухай хуулийн 14.6 дугаар зүйлийн 9-дэх заалтаар 25 нэгжтэй тэнцэх хэмжээний төгрөгөөр шийтгэл оногдуулсан.
Иргэний гомдол: Иргэн Н.М: Ч:50 “Улаанхуарангийн эцэс-ТЭЦ-3” чиглэлийн 01-068 гарааш дугаартай автобус түгжрэл дунд бууя гэтэл буулгахгүй гэж хэлсэн. Жолооч утсаараа яриад явсан. Шаардлага тавихад би чихэвчээр ярьж байна гэсэн.
Шийдвэрлэлт: Зорчигч тээвэр нэг ОНӨААТҮГ-ын 01-068 гарааш дугаартай жолооч гарын оролцоогүй чихэвч ашигласан. Мөн буудлын бус газар бууя гэсэн зорчигчийн буруу байна.
|
Нийгэм
