АДМИН
2025 оны дөрөвдүгээр сарын 3-ны өдрийн 12 ордын зурхайг танилцуулж байна.
Хонь: Энэ өдөр өөртөө итгэлгүй байдал тантай холбоотой байх бололтой. Мөн бусдад хэт шүүмжлэмтгий, шаардлага өндөртэй хандана. Мэддэг чаддаг зүйл дээрээ зоригтой шийдвэр гарга. Нөхцөл байдал, орчин тойрны өөрчлөлтөд зохицох чадвараа байнга батлан харуулж байх шаардлагатайг од эрхэс танд сануулж байна.
Үхэр: Бусдын зовлонтой асуудалд оролцохоос зайлсхий. Эрх мэдэлтэй хүмүүсийн талаарх таны бодол ойлгомжгүй байна. Танд бусдаас тусламж ирэхгүйг мэдрэх зүйлс тохиолдох байх. Бусад хүмүүсийн хандлага тодорхойгүй байгаа учраас та зөвхөн өөртөө итгэх хэрэгтэй гэдгийг сана. Залуу ганц бие хүмүүс хэт зөрүүд, дураараа байх тул харилцаандаа анхааралтай бай.
Ихэр: Гэр бүлдээ хүлээх үүрэг хариуцлагаа ухамсарла. Өөрийн хийх ёстойг бүрэн дүүрэн хийсэн байвал гэр бүлд халуун дулаан уур амьсгал бүрэлдэнэ. Бусдаас дарамт шахалт ирнэ. Өнгөрсөн үеийн алдаанд өрсөлдөгч нар тулгуурлах бололтой. Хэнд ч байр сууриа булаалгах алхам хийхийг зөвшөөрч болохгүй. Зарим үед танаас зоримог алхам хийхийг шаардана.
Мэлхий: Бусдыг үл сонсон, ширүүн зан ааш гаргах магадлалтай. Гэр бүлийн маргаанд ялагч болох хэрэггүй. Дотоод дуу хоолойгоо сонсож аливаа юм хэмжээ хязгаартай байдгийг сана. Мөнгөний асуудалд дан ганц ашиг харсан үйлдэл хол явахгүй. Өөрийгөө хэт дөвийлгөснөөс болж алдаа эндэгдэл гаргаж болзошгүй байна.
Арслан: Өнөөдөр сайн сайхан үйл явдал тохионо. Бусад хүмүүсийн анхаарлыг татах болно. Эхэлсэн ажлаасаа үр дүн хурдан ирнэ гэж бүү хүлээ. Хэзээд итгэл дааж, нууц хадгалж чаддаг хүн мөн үү гэж өөрөөсөө асуу. Бага ч болтугай итгэл дааж сурах хэрэгтэй. Аливаа зүйлийг дахин дахин нягталж, сайн бодож боловсруулж байж хөдлөх цаг үе.
Охин: Өр зээл бүү тавь. Бусдын хувийн амьдралд бүү оролц. Зарим хүмүүсийн зүгээс хууран мэхлэлт ирж магадгүй. Хэт их улайрч ажиллах хэрэггүй. Хайртай хосуудын дунд зөрчил гарч сонголт хийхдээ алдаа гаргаж болзошгүй байна. Эрүүл мэндийн байдалд хууч өвчин муу нөлөөлөх бололтой. Та өөрийгөө эрүүлжүүлэх сайн зөвлөгөөг зөв ашиглавал гайхамшигтай үр дүнд хүрнэ.
Жинлүүр: Амьдралдаа өөдрөг сэтгэлтэй хандаж бай. Ямар ч зүйлд бүү гомдол. Ингэснээр аз тань дээр ирэх болно. Ивээн тэтгэгч эсвэл дарга удирдлагадаа хэт найдвал амьдралын эрч хүч, эерэг энерги буурна. Өөрийгөө хөгжүүлэх бүх л боломжийг эрэлхийл. Гадаадад суралцах боломж гарна
Хилэнц: Өнөөдөр сонирхолтой, нөлөө бүхий хүмүүстэй танилцах магадлалтай. Ажилдаа хэт их сэтгэл чилээх хэрэггүй. Гар доорх зүйлийг барьж ав. Чөлөөт цагийг буруу өнгөрүүлдэг зуршлаа хүлээн зөвшөөр. Бусдын шүүмжлэлийг амар тайвнаар хүлээн ав. Өнөөдөр шүүмжлэх өнгө аяс их байх бөгөөд үнэнийг л хэлж буй гэдгийг өөртөө хүлээн зөвшөөр.
Нум: Анхаарал болгоомж илүүдэхгүй өдөр. Хувь заяа танд сорилт илгээж байгаа тул гэнэтийн зүйлд бэлэн бай. Ямар нэг өр төлбөрийн асуудалд орохоос урьдчилан сэргийл. Хязгаарлагдмал хүрээнд амьдарч сур. Оюун санаагаа захирах чадвар байдлыг тэнцвэртэй болгоно. Эрүүл мэндэд асуудал гарч бие сульдах ч хэд хоногийн дараа хэвийн болно.
Матар: Урт хугацааны төлөвлөгөөнд засвар хийх шаардлага гарна. Эхэлсэн ажилдаа тууштай, шаргуу бай. Буруу алхам хийвэл хүссэн үр дүнгээ мөд үзэхгүй. Өрсөлдөөнд сонор сэрэмжээ алдаж магадгүй. Эелдэг найрсаг, тэвчээртэй зорилготой харагдах нь хэцүү ч үүнийг хийх хэрэгтэй. Та ямар ч ажлыг цагт нь амжуулах хэрэгтэй байна.
Хумх: Энэ өдрийн зарим үйл явдал танд ямар нэг байдлаар бодит нөхцөл байдлыг мэдрүүлэх болно. Тулгамдсан асуудалтай холбоотой яг тодорхой бодлого байхгүй ч байсан сандрах хэрэггүй. Эрүүл мэндэд тулгарах асуудлуудаа бүү хүндрүүл. Өөртөө зохимжтой спортоор хичээллэж, тогтмол хөдөлгөөнтэй бай. Явган алхаж, эрүүл агаарт ихээхэн цагийг өнгөрүүл.
Загас: Шинэ ажил хэргийн нөхцөл байдал болон хамтран ажиллах харилцаа холбооны асуудалд анхаарлаа хандуул. Энэ өдөр уран бүтээлч хүмүүсийн мөрөөдөл биелнэ. Өнөөдөр аль болох үр хүүхдүүдтэйгээ ойрхон бай. Өөрийн сурсан мэдсэн ур чадвараа бусдад зааж сургахад тохиромжтой цаг үе.
|
Нийгэм
