АДМИН
Иргэдийн эрүүл, ая тухтай орчинд амьдрах эрхийг хангах, газар ашиглалтыг сайжруулах, явган хүний зам, талбайн хүрэлцээ хангамжийг нэмэгдүүлэх зорилгоор нийслэлийн есөн дүүргийн нутаг дэвсгэрт зөрчил арилгах ажлыг гуравдугаар сарын 10-ны өдрөөс эхлүүлсэн.
3 үе шаттай хэрэгжиж буй ажлын эхний шатанд нийт 2161 зөрчил илэрснийг яаралтай арилгах, эрчимжүүлэх ажлыг зохион байгуулж байна.
Улаанбаатар хотын захирагчийн ажлын албаны дарга бөгөөд Ерөнхий менежер Г.Батзориг: Нийтийн эзэмшлийн гудамж талбайд хууль тогтоомж, дүрэм, журам, норм, стандартыг зөрчсөн зөрчлийг шуурхай арилгах, тээврийн хэрэгсэл, явган зорчигчдод саадгүй зорчих нөхцөлийг хангах, шаардлагатай тохиолдолд зөрчил гаргасан иргэн, аж ахуй нэгж, байгууллагын газар эзэмших, ашиглах эрхийг хүчингүй болгох, хашаа хайсыг буулгах, газрыг чөлөөлөх, зөвшөөрөлгүй болон хууль, тогтоомж, барилгын норм ба дүрмийг зөрчиж барьсан барилга, байгууламжийг албадан буулгах, эрсдэл учруулж буй эд зүйл, хаягийн байгууламж, гэрэлтүүлэг, техник хэрэгслийг хураах, зам талбайг чөлөөлөх, худалдаа, үйлчилгээний байгууллагуудын гадна орчныг хотын стандартад нийцүүлэх чиглэлээр мэдэгдэл, шаардах хуудас, зөвлөмжүүдийг хүргүүлж, хяналтыг сайжруулан ажиллах шаардлагатай байгааг хэллээ.
Мөн дүүрэг бүр нэг хүнд ногдох ногоон байгууламжийн ашиглалтыг дээшлүүлэх, эзэнжүүлэхэд анхаарч ажиллахыг онцоллоо.
|
Эх сурвалж
| Улаанбаатар хотын Захирагчийн ажлын алба
|
Нийгэм
