АДМИН
2025 оны дөрөвдүгээр сарын 4-ний өдрийн 12 ордын зурхайг танилцуулж байна.
Хонь: Хүлээн авахыг хүсээгүй үр дүнгээ сонсох өдөр. Гэр бүлдээ цаг гарга. Та гэнэтийн учралаар сонирхолтой хүмүүстэй танилцах магадлалтай байна. Гэнэтийн зочин айлчлан ирж ч магадгүй. Энэ цаг үед ганц бие хүмүүс хайр дурлалын адал явдал үүсгэнэ.
Үхэр: Асуудлыг олон талаас нь судалж, олны эрх ашгийг хангах шийдвэр гарга. Арилжаа наймаанд тооцоотой хандаарай. Буруу мэдээллээс болж алдагдалд орж магадгүй. Гэр бүлтэйгээ ойрхон бай. Зарим шаардлагагүй асуудалд бүү оролц. Санамсаргүй байдлаар таагүй харилцаанд орж болзошгүй байна.
Ихэр: Бэрхшээлийг даван туулснаар улам хүчирхэг болно. Нөөц бололцоогоо ч нэмэгдүүлэх боломжтой. Уран бүтээлч чадвар оргилж байна. Хэн ч таамаглаж байгаагүй тийм авьяас чадварууд ихрийн ордныхноос илэрнэ. Алс хол аялах хүсэл төрж, амралтын төлөвлөгөө гаргах бололтой.
Мэлхий: Найдвартай туршлагатай хүнээс авсан зөвлөгөөг дагахад буруудахгүй. Бусдад итгэх хэрэгтэй болно. Хүнд итгэх хэцүү цаг үе ч эрсдэл гаргаад үз. Мөнгөний асуудал танд төвөг удаж улам стрессдүүлнэ. Ойрын хугацаанд та хангалттай амарч чадаагүй бол эрүүл мэндээ хамгаалж, сайн амрах хэрэгтэй. Буруу зуршлаа хадгалсаар байвал эрүүл мэндэд муугаар нөлөөлнө.
Арслан: Та амьдралд тохиох хүсмээргүй өөрчлөлтийг ч сайн тал руу нь эргүүлж шинэ сэдэлжилт болгон хувиргаж чадна. Шинэ зүйлд өөрийгөө бэлтгэн ажилдаа хандах хандлагаа өөрчлөхөд цаг гарга. Харин аливаа харилцаандаа буруу дүгнэлт өгөх хандлага нь таныг зөв шийдвэр гаргаж чадахгүй байдалд хүргэж мэднэ. Шаардлагатай бол та залхмаар холбоогоо дуусгавар болгож чаддаг байгаарай.
Охин: Сайн хөрөнгө оруулалтын санал ирэх магадлалтай. Хөрөнгө мөнгөө хувьцаа болгох талаар судал. Гэхдээ түр зуурын амжилтад бүү хуурт. Элдэв амлалтад болгоомжтой бай. Гэнэтийн үйл явдал таны төлөвлөгөөг өөрчилж, зарим ажлыг тодорхойгүй хугацаагаар хойшлуулах бололтой. Энэ үед эрүүл мэндээ урьдчилан сэргийлж эмнэлэгт үзүүлэх хэрэгтэй.
Жинлүүр: Гэрээ хэлэлцээрээ амжилттай дуусгах, өмнөх ажлаа улам сайжруулах шаардлага гарна. Төлөвлөсөн ашгийг авч ирэх томоохон төслөө анхаар. Олны анхаарлын төвд байхаас айх хэрэггүй. Таны эерэг харилцаанд эргэн тойрныхон татагдах болно. Цаг үеийн мэдээллүүдэд задлан шинжилгээ хийвэл ажлын амжилтад саад болж буй зүйлийг мэдэрч чадна.
Хилэнц: Энэ өдөр ихэнх ажил амжилттай бүтнэ. Харин бусадтай дээрэнгүй харьцаж болохгүй. Гэрээ хийх болон төсөв батлах зэрэгт тааламжтай өдөр гэдгийг од эрхэс зөвлөж байна. Хайртай хүн чинь таныг сорьж мэднэ. Ихэнх хүмүүсийн хувьд хайрын романтик учрал амьдралынх нь хамгийн гол үйл явдал гэдэгт чин сэтгэлээсээ итгэх бололтой. Сэтгэл өөдрөг болж, ойр дотнынхоо хүмүүстэй сайхан харьцаатай байна.
Нум: Хов жив ярьдаг цаг завтай хүмүүс танд хор нөлөө үзүүлж магад. Саад бэрхшээл гарах ч та шургуу, уйгагүй чанараараа даван туулах болно. Худалдаа наймаандаа анхаарвал та ашиг орлогоо нэмэгдүүлэх зам дээр зогсож байна. Өмнө нь гаргасан төлөвлөгөө өөрчлөгдөж магад. Гэвч энэ нь гол зорилгыг хүчингүй болгож чадахгүй.
Матар: Орчин тойрны хүмүүстэйгээ үл ойлголцох байдалд хүрч болзошгүй тул хэт санаашралд бүү авт. Өрсөлдөгчөө мартаж, өөрийгөө цэнэглэх хэрэгтэй. Буяны үйлс хийж, сүм хийд ороход таатай байна. Хийсвэр байдлыг төсөөлж, өөрийн дотоод мэдрэмжээ сорь. Амьсгалын замын халдварт өвчин хүрч болзошгүй. Эрүүл зөв амьдралын хэв маягийг чухалчил.
Хумх: Хэрвээ зорилгодоо хүрэх гэж хэтэрхий улайрахгүй бол таны ололт амжилт бүгдийг гайхшируулах болно. Өнөөдөр тэмцлийн хурц хэлбэрүүдийг бүү сонго. Гэр бүлийн хүрээнд уур амьсгал сайн байна. Хосуудын харьцаа хэвийн байх болно. Хүүхдүүддээ анхаарал халамж хандуулах хэрэгтэй байна.
Загас: Ажлын арга барилаа өөрчил. Найз нөхөд, түншүүдтэй холбоотой сэтгэл гонсойлгосон зүйлс тохиолдоно. Өөртөө л итгэх нь энэ цаг үед амжилтад хүрэх дөт зам болно. Хайртай хосууд хоорондоо муудалцаж, гэр бүлийн харьцаанд үл ойлголцох байдал үүсэж болзошгүй байна. Хөрөнгө мөнгөний асуудлыг хувийн харилцаандаа хэт хутгах хэрэггүй.
|
Нийгэм
