Иргэн таны өөрийн эзэмшлийн "Эрдэнэс Тавантолгой" ХК-ийн хувьцааны ногдол ашгийн үлдэгдэл 93.499 төгрөгийг хэрхэн хүлээн авах тухай санал асуулга эхэллээ.
Иргэн та "E-Mongolia" аппликейшнд нэвтрэн санал асуулгад оролцох боломжтой. Санал асуулга эхэлсэн эхний 20 минутад 6723 хүн санал өгөөд байна.
Саналыг 2025 оны 04 дүгээр сарын 04-09-ний өдрүүдэд хүлээн авах ба та энэ хугацаанд саналаа өөрчлөх боломжтой.
Харин 2025 оны 4 дүгээр сарын 10–16-ны өдрүүдэд таны өгсөн саналд үндэслэн баталгаажуулалт хийх юм.
Хэрэв та "Эрдэнэс Таван Толгой" ХК-ийн 1,072 ширхэг хувьцаа эзэмшдэг бол танд олгох ногдол ашгийн үлдэгдэл ₮93,499.8 байна
2024 онд "Эрдэнэс Тавантолгой" ХХК иргэн бүрийн эзэмшлийн 1072 ширхэг хувьцааны ногдол ашиг хэмээн нийт 1 их наяд 38 тэрбум төгрөг хуваарилсан. Энэ нь иргэн тус бүрт 315.007 төгрөг ногдож байна гэсэн үг юм. Үүний 121.500 төгрөгийг 2024.12.20-нд, 100.006 төгрөгийг 2025.02.26 нд шилжүүлсэн бол одоо үлдэгдэл 93.499 төгрөгийг шилжүүлэх гэж байна.
Үүнээс гадна “Чингис Хаан” үндэсний баялгийн санд таны нэр дээр 138.993 төгрөг байршсан буюу ийнхүү нийт нэг иргэн тус бүр 454.000 төгрөг хүртэж байгалийн баялагтаа эзэн болж байна гэсэн үг.
Иргэн та "Чингис Хаан Үндэсний баялгийн сан"-ийн “Хуримтлалын сан” дахь иргэний нэрийн дансанд “Эрдэнэс Тавантолгой” ХК-ийн ногдол ашгийн орлогоо төвлөрүүлэхээр сонгосон тохиолдолд иргэн та цаашид орон сууц худалдан авах, эрүүл мэнд, боловсролын чиглэлээр үйлчилгээг авах боломж бүрдэнэ.
Хэрэв та хандив цэсийг сонгосон бол таны “Эрдэнэс Тавантолгой” ХК-ийн ногдол ашиг “Чингис Хаан Үндэсний баялгийн сан”-ийн “Хөгжлийн сан”-д хуримтлагдах болно.
Харин Бэлэн мөнгө цэсийг сонговол тaны харилцах дансанд шилжин орох болно.

Эх сурвалж
| “Чингис хаан” Үндэсний баялгийн сан
|