Хурал зөвлөгөөн дээр хоёр хүн санаандгүй шүргэлцсэнээс болж зовхи нь язарч, оёо тавиултлаа гэмтэж бэртэнэ гэдэгт Та итгэх үү? Найдалаа гэдэг гишүүн найдалтгүй хүн байна. ХҮН-ын дарга Т.Доржхандын хэлснээр бол үзэл санаагаараа биш өөрсдийн эхнэрүүддээ зодуулж хүчирхийлүүлдэг ядарсан хохирогчдын клуб юм байна. Угаасаа ХҮН нам шөнөжингөө зодуулаад салахаар шийдсэн эхнэр шиг биш нөхөр шиг нэг өглөө босоод ирэхдээ зүүний үзлээ барууныхаар сольж чадсан сонин хүн юм. Б.Найдалаа нь П.Наранбаярыг нүдэд гараа ч биш хөлөө санаандгүй хийж байхад өнөөх хамгаалагч хаачсан байсан бэ? Өөр ажилд оров уу, даргаа өмөөрч даргатай үзэлцэх эр зориг дутав уу? Ингэхэд эхнэр нь нөхрөө зодсон, хөнөөсөн элдэв гэмт хэргийн хохирогч нь дандаа ХҮН намын гишүүн эрэгтэй болж таарч байна уу? ХҮН-ын Т.Доржханд гэж хүн чанараар ямар хүн бэ? MCS-ээс 1 тэрбумын хандив авснаа биднийг 1 тэрбум доллароор ч худалдаж авч чадахгүй гэж хэллээ. Хуульд заасан хандив биш хахууль байсан юм шиг бас л санаандгүйгээр нүд рүүгээ хуруугаа хийлээ. Өгсөн хандивыг нь үг дуугүй авчхаад, өнөөдөр болохоор худалдаж авч чадахгүй шүү гэдэг нь ХҮН намын даргын хүн чанар юм даа.