Б.УУГАНБАЯР
Гуравдугаар сарын 17-нд эхэлсэн хаврын чуулганы “Хаврын 17 учрал” олон ангит кино Төгрөг нуурын орд Доллар нуурын орд болсон түүхээр үргэлжилж байна. Н.Учрал 17 чингэлэг спиртээс эхэлсэн олон хэрэг явдлын эзэн Х.Баттулгын нүүрсний ордоос доллар олборлосон хуучин асуудлыг шинээр хөндлөө.
Хөдөө очихоороо баялгийг ард түмэнд гэдэг хүн хотод ирэхээрээ юу гэх бол? Өрөөл бусдыг худгаа өг гэдэг хүн өөрийнхөө нуурыг яг яах бол? гэдэг асуулт үүслээ.
Нүүрсийг нь ухаагүй ч доллар олборлосон Төгрөг нуурын ордыг 1983-1985 онд улсын хөрөнгөөр нөөцийг нь тогтоосон. Х.Баттулгын 2006 онд өөрийнх нь байгуулсан CAMEX компани эрдэмтэн Л.Дүгэржав агснаас Төгрөг нуурыг 1,3 сая доллароор аваад далайгаас далай, арлаас арал давуулан 192 дахин нугалан зарсан. Дөрвөн хятад хүнтэй нийлээд Сингапур, Хонконг, Виржини, Кайманы арлууд дамнуулаад Монголыг ялсан тухай асуудал ахин сөхөгдлөө. Өнөөдөр 1 кг нүүрс ухсан ухаагүйдээ биш ордыг бүхлээр нь зарсан, орон сууцаар бол ордерыг нь монголчуудаас авсан. Иргэн бүрийн 10 саяын зээлийг тэглэнэ гэж амласан хүн 250 сая доллароор зарсан ордоосоо татвар хураамж төлсөн үү, ҮБС дахь дансаар нь ард түмэнд өгөх юм болов уу?
|
Нийгэм
