Б.АМАРТҮВШИН
Фото зургийг | mpa.mn
Улсын хэмжээнд өнгөрсөн долоо хоногт /2025.03.31-04.07/ нийслэлийн 7 дүүрэг, 20 аймгийн 48 суманд аюулт үзэгдэл, ослын 153 удаагийн дуудлага бүртгэгдсэн байна.
Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 4 иргэний амь насыг авран хамгааллаа. Нийт дуудлагын 129 нь объектын гал түймэр, 9 нь ой хээрийн гал түймэр, нэг нь газар хөдлөлт, нэг нь шар усны үер, 12 нь хүний үйл ажиллагаатай холбоотой осол, нэг нь биологийн гаралтай аюулт үзэгдэл байна.
Биологийн гаралтай аюулт үзэгдэл гэдэг нь хүн, амьтан, ургамал болон байгаль орчинд хортой нөлөө үзүүлдэг биологийн эх үүсвэртэй, байгалийн буюу хүний оролцоотойгоор үүсдэг аюулт үзэгдэл юм. Үүнд дараах зүйлс багтана.
1. Халдварт өвчний дэгдэлт
Хүн, амьтанд халдварладаг бактери, вирус, паразит, мөөгөнцөрөөс үүдэлтэй.
Жишээ:
- Ковид-19,
- Тархины менингит,
- Халдварт шар өвчин (гепатит),
- Шумуулаар дамждаг малярия,
- Тахал (чума),
- Эбола вирус
2. Амьтнаас хүнд халдвар дамжих (зооноз өвчин)
Амьтнаас хүнд дамждаг өвчин.
Жишээ:
- Тахал (хийхүүл, оготноос),
- Коронавирусууд (сарс, ковид),
- Төөрөг малын өвчин.
3. Хорт шавьж, мэрэгчдийн халдлага
Ургамал, хүнс, эрүүл мэндэд хохирол учруулдаг.
Жишээ:
- Цагаан эрвээхэй,
- Тарваган тахал дамжуулагч бөөс,
- Хулгана, оготно тархах.
4. Хөдөө аж ахуйн хортой бичил биетний халдвар
Ургамал, амьтанд халдах өвчин, вирус.
Жишээ:
- Үхрийн боом,
- Гахайн мялзан,
- Үр тарианд халддаг мөөгөнцөрийн өвчин.
5. Генетикийн мутаци буюу биологийн туршилтаас үүдсэн эрсдэл
Хүний хиймэл туршилт, лабораториос алдагдсан биологийн зэвсэг гэх мэт.
Жишээ:
- Биологийн зэвсэг,
- Генетикийн хувирсан вирүс, бактери
|
Нийгэм
