АДМИН
Хулгайлах гэмт хэрэг үйлдэгсэд хүүхэд болон эмэгтэйчүүдийг чиглэж байна. Тодруулбал: Нэр бүхий ПС тоглоомын газарт манай хүүхэд гар утсаа алдсан гэх дуудлага мэдээлэл энэ оны дөрөвдүгээр сарын 11-ний өдөр цагдаагийн байгууллагад бүртгэгдсэн. Дуудлага мэдээллийн дагуу шалгахад тухайн иргэний IPhone 12 promax загварын гар утсыг иргэн Б хулгайлсныг цагдаагийн алба хаагчид шуурхай эрэн сурвалжилж илрүүлэн мөрдөн шалгах ажиллагаа үргэлжилж байна.
Нийслэл хотын хэмжээнд 2024 онд бүртгэгдсэн халаасны хулгайн гэмт хэрэгт өртөж хохирсон иргэдийн 82.5 хувь нь эмэгтэйчүүд, насанд хүрээгүй хүүхдүүд байна.
Иймд эцэг эхчүүд та бүхэн энэ төрлийн гэмт хэргээс урьдчилан сэргийлэх чиглэлээр хүүхдэдээ мэдээлэл өгч мөн зах худалдааны төв болоод автобусны буудал, олон нийтийн газарт сонор сэрэмжтэй анхаарал болгоомжтой зорчихыг цагдаагийн байгууллагаас зөвлөж байна.
|
Нийгэм
