С.ОТГОНБАЯР
Ice top хамтлагийн дуучин Б.Оргил-Эрдэнэ буюу Eyescool Малайз улсад сураггүй болсон тухай түүний дүү Б.Од-Эрдэнэ мэдээлсэн. Энэ талаар Гадаад харилцааны яамнаас тодрууллаа.
-Ice top хамтлагийн дуучин Б.Оргил-Эрдэнэ Малайз улсад сураггүй болсон тухай дүү нь цахим сүлжээнд мэдээлсэн. ГХЯ түүний талаар ямар нэгэн мэдээлэл авсан уу?
-Б.Оргил-Эрдэний дүү Б.Од-Эрдэнэ 2025 оны дөрөвдүгээр сарын 14-ний өдөр “Ах минь 2025 оны дөрөвдүгээр сарын 6-ны өдрөөс хойш ямар нэгэн холбоогүй болсон. Малайз улсад сураггүй болоод байна. Түүнийг эрэн сурвалжилж өгөөч” гэх хүсэлтийг гаргасан. Бид мэдээллийн дагуу Малайз улсыг хавсран суух Тайландын Консулын газарт хандсан байгаа.
-Ямар нэгэн сураг ажиг гарсан уу?
-Хамгийн сүүлд өчигдөр мэдээлэл авахад ямар нэгэн сураг гараагүй байсан. Өнөөдөр дахин холбогдож лавлана. Ямар нэгэн нэмэлт мэдээлэл ирвэл мэдээлэх болно.
-Гадаад харилцааны яамнаас Консулын газарт хандсан гэхээр тэндхийн цагдаад бүртгэгдээд эрэн сурвалжилж байгаа гэсэн үг үү?
-Ямар ч байсан Элчин сайдад мэдээлэл өгсөн. Одоогийн байдлаар ямар нэгэн мэдээлэл ирээгүй байна.
|
Нийгэм
