Б.АМАРТҮВШИН
АНУ-ын Батлан хамгаалах яам Сирийн газар нутгаас хэдэн зуун цэргийн албан хаагчаа татан авч эхэлж буйгаа албан ёсоор мэдэгдлээ. Пентагон энэхүү алхмыг "нэгтгэх, төвлөрүүлэх ажиллагаа" хэмээн тодорхойлж, Сирид үүссэн шинэ нөхцөл байдалтай холбоотой гэж тайлбарлав.
Пентагоны хэвлэлийн төлөөлөгч Шон Парнелл Баасан гарагт хийсэн мэдэгдэлдээ: “АНУ нөхцөл байдлыг харгалзан үзэж өөрсдийн цэргийг тодорхой байршлуудад нэгтгэх шийдвэр гаргалаа" хэмээн мэдэгджээ.
Тэрээр зэвсэгт хүчнийг эргүүлэн татан авах үйл явц нь "удаан боловч дэс дараатай" арга хэмжээ байх бөгөөд ойрын саруудад Сирид байрших Америкийн цэргийн тоо 1,000-аас доош хүртэл буурна гэдгийг онцлон тэмдэглэв.
|
Нийгэм
