С.ОТГОНБАЯР
ХӨСҮТ болон ЭМЯ-наас цаг үеийн нөхцөл байдлын талаар мэдээлэл хийлээ.
ХӨСҮТ-ийн Тандалтын асуудал хариуцсан дэд захирал н.Одмаа: 2025 оны гуравдугаар сарын 14-ний өдрөөс эхлээд ХӨСҮТ-д хоолны хордлогот халдварын талаар мэдээлэл ирүүлсэн. Өмнөговь аймагт гарсан хоолны хордлогот халдварын мэдээллийг авснаас хойш ХӨСҮТ дөрөвдүгээр сарын 10-нд эмнэлзүй болон тандалт хариу арга хэмжээ авах мэргэжлийн багийг томилж, шинжилгээ хийн зарим дүгнэлтүүдийг гарган ажиллаж байна. Гуравдугаар сарын 14-нөөс хойш гурван томоохон дэгдэлт уул уурхайн компаниудад гарсан. Гуравдугаар сарын 17-нд гарсан дэгдэлтийн үед нийт 548, дөрөвдүгээр сарын 13-ны өдөр гарсан дэгдэлтэд 970, дөрөвдүгээр сарын 6-ны өдөр 802 хүн хоолны хордлогот халдварт дэгдэлтэд өртсөн. Нийт хоолны хордлогот халдварт өртсөн хүмүүсийн 15-33 хувьд нь эмнэлзүйн шинж тэмдэг илэрсэн.
|
Нийгэм
