Сөүл хотноо хоёр улсын хамтарсан хорооны 10 дугаар хуралдаан боллоо

БНСУ-ын Гадаад хэргийн дэд сайд Ким Жин А болон Монгол Улсын Засгийн газрын хэрэг эрхлэх газрын дарга Баттөмөрийн Энхбаяр нар Сөүл хотноо Монгол, БНСУ-ын Хамтарсан хорооны 10 дугаар хуралдааныг албан ёсоор зохион байгууллаа. Уулзалтаар талууд өнгөрсөн долдугаар сард БНСУ-ын Ерөнхийлөгч Ли Жэ Мён Монгол Улсад төрийн айлчлал хийсний дараах 후속조치 буюу эдийн засаг, худалдаа, соёл, иргэд хоорондын харилцааг "Алтан эрин"-ий түвшинд хүргэх бодит төлөвлөгөөнүүдийг баталсан байна.

Хэлэлцээрээр талууд өнгөрсөн долдугаар сарын дээд хэмжээний уулзалтын үеэр зарчмын хувьд тохиролцсон Монгол, БНСУ-ын Иж бүрэн эдийн засгийн түншлэлийн хэлэлцээрт ойрын хугацаанд албан ёсоор гарын үсэг зурахаар тохиролцов. Үүний зэрэгцээ уул уурхайн стратеги, ховор металл, тээвэр, дэд бүтэц, хот байгуулалтын салбарын хамтын ажиллагааг эрчимжүүлэхээр болжээ. Мөн Солонгосын талаас сүүлийн 20 гаруй жилийн турш амжилттай хэрэгжүүлж буй Ногоон хэрэм төслийг үргэлжлүүлэн, хүлэмжийн хийг бууруулах, сэргээгдэх эрчим хүчний чиглэлээр хамтарсан шинэ ажлуудыг эхлүүлэхээ илэрхийллээ.

Энэхүү Хамтарсан хорооны хурлын үеэр хоёр улсын дэд сайдын түвшний Эрүүл мэндийн зөвлөлдөх уулзалт 8 жилийн дараа албан ёсоор сэргэснийг сайшааж, эмч нарыг дадлагажуулах, хавдраас сэргийлэх, эм бэлдмэлийн нийлүүлэлтийг сайжруулахаар тогтов. Мөн хоёр орны иргэдийн зорчих нөхцөлийг сайжруулахын тулд Гадаад харилцааны яам болон Хил, цагаачлалын байгууллагууд хоорондын 2+2 Консул, цагаачлалын яриа хэлэлцээг яаралтай шинээр байгуулах, Иргэд солилцоог нэмэгдүүлэх замын зураглалыг хэрэгжүүлэхээр тохиролцсон байна.

Хамгийн онцлох иргэдэд зориулсан шийдвэр нь өнгөрсөн аравдугаар сарын 29-ний өдрөөс эхлэн хоёр улсын хооронд Жолооны үнэмлэхийн онолын шалгалтыг өөрийн хэлээр өгөх тогтолцоо албан ёсоор хэрэгжиж эхэлжээ. Үүний дагуу БНСУ-д амьдарч буй Монгол иргэд солонгос жолооны үнэмлэх авахдаа онолын шалгалтаа монгол хэлээр, харин Монголд байгаа солонгос иргэд солонгос хэлээрээ өгөх боломжтойн дээр өнгөрсөн долдугаар сард байгуулсан Жолооны үнэмлэх харилцан зөвшөөрөх гэрээг иж бүрэн бататгаж байна. Энэхүү зохицуулалт нь хэлний бэрхшээлийг арилгаж, зам тээврийн дүрмийн ойлголтыг нэмэгдүүлэн, иргэдийн аюулгүй байдал, ая тухтай зорчиход бодит хувь нэмэр оруулах юм.