“Будапешт-2019” чөлөөт бөхийн 23 хүртэлх насанд хүрэгчдийн ДАШТ-ий гурав дахь өдрөө амжилттай зохион байгуулагдаж байна. Өчигдөр эрэгтэйчүүдийн 74 кг-ын жинд насанд хүрэгчдийн ДАШТ-ий тавдугаар байрын шагналт, цэргийн ДАШТ-ий хүрэл медальт, “Poland Open”, Дмитрий Коркин, “Байгаль Опен”, “Монголиа Опен” ОУТ-ий медальт, үндэсийн шигшээ баг, “Алдар” спорт хорооны тамирчин, ОУХМ Бат-Эрдэнийн Бямбадорж хүрэл медалийн эзэн боллоо. Энэ нь Будапештийн дэвжээнд Монголын баг тамирчдын анхны хүрэл медаль болж байна.
Энэ нь Будапештийн дэвжээнд Монголын баг тамирчдын анхны хүрэл медаль болж байна. 23 хүртэлх насны ДАШТ-д анх удаа зодоглосон Б.Бямбадорж Будапештийн дэвжээнд 1/8 шигшээд Кыргызстаны Мансур Сыргак-Уулуг 7:2-оор ялсан ч шөвгийн наймд энэ жилийн Азийн АШТ-ий хүрэл медальт Ираны Мохаммад Нокходид 6:10-аар ялагдсан. Тэгвэл дагах барилдаанд энэ жил манай нийслэлд болсон 23 хүртэлх насны Азийн аваргад хүрэл медаль хүртсэн Казахстаны Дархан Ессенгалиг 4:4-өөр, хүрэл медалийн төлөөх барилдаанд эзэн орны дагестан легионер Мурад Курмагомедовыг 5:2-оор нутгийн дэвжээн дээр нь үзэгчтэй нь ялж шагналын тавцанд зогслоо.
Тэрбээр манай эрэгтэй бөхчүүдээс “U-23”-ын Дэлхийн аварга шалгаруулах тэмцээнээс хоёр дахь (эхнийх нь Г.Ганхуяг 2018 онд хүрэл медаль хүртсэн) медальтан болж байна. Түүний анхны багш гавьяат дасгалжуулагч Х.Намшир, одоогийн багш, гавьяат дасгалжуулагч Ц.Хосбаяр, Б.Баяраа нарт баяр хүргэе.
Мөн 86 кг-ын жинд насанд хүрэгчдийн Азийн АШТ-ий хүрэл, 23 хүртэлх насны ДАШТ болон Азийн АШТ-ий хүрэл, “Байгаль Опен” ОУТ-ий мөнгө, “Монголиа Опен” ОУТ-ий хошой мөнгөн медальт, МУБИС-ийн тамирчин ОУХМ Ганбаатарын Ганхуяг хүрэл медалийн төлөөх барилдаанд ялагдаж шагналт тавдугаар байрт оров. Тэрбээр өнгөрсөн жил Бухарестэд хүрэл медалийн төлөөх барилдаанд Туркийн бөхийг ялж шагналын тавцанд зогсч байсан. Тэгвэл энэ удаа залуучуудын ДАШТ-ий мөнгөн медальт, оюутны дэлхийн аварга, өөр нэгэн турк залуу Осман Гокентэй медальтай үлдэх эсэхээ шийдэх барилдаанаа хийсэн ч 0:3-аар ялагдлаа.
Эх сурвалж: Mongolian Wrestling Federation
Зочин
2020-09-28
манайхны мядаль гээл гуцах юм. надад ямар хамаатай гэж??