Говь-Алтай аймгийн Тайшир сумын Хуримт багийн “Цахир тэх” гэдэг газар /аймгийн төвөөс зүүн хойд зүгт 60 км-т, сумын төвөөс зүүн хойд зүгт 15 км-т/ Тус сумын харьяат малчин А /31 настай, эрэгтэй/ 9 сарын 7-ны өдрийн 10:00 цагийн орчим адуугаа “Завхан” голоор гаргаж ирэхээр мотоциклтой яваад сураггүй болсон тухай дуудлагыг 9 сарын 9-ний өдрийн 16:05 цагт аймгийн онцгой байдлын газар хүлээн авчээ. Тус сумын Засаг даргын Тамгын газрын ажилтнууд, сумын Цагдаагийн хэсгийн алба хаагчид, ар гэрийнхэн хамтран 9 сарын 7, 8-ны өдрүүдэд эрэн хайх ажиллагааг зохион байгуулж, 9 сарын 9-ний өдрийн 16:05 цагт гэрээс зүүн хойд зүгт 50 км-т “Завхан” голоос мотоциклийг нь олжээ. Тус аймгийн Онцгой байдлын газрын Эрэн хайх, аврах салбарын алба хаагчид 60 км замыг туулан 18:15 цагт очиж, “Цахир тэх” гэдэг газраас “Завхан” голын урсгал дагуу 1 км-т завьтай урсаж эрэн хайх ажиллагааг зохион байгуулсан боловч үзэгдэх орчин хязгаарлагдсан тул мөн өдрийн 20:41 цагт түр зогсоосон. 9 сарын 10-ны өдрийн 07:15 цагаас эрэн хайх ажиллагааг эхлүүлсэн байна.
