Хөвсгөл аймгийн Жаргалант сумын хоёрдугаар багийн нутагт 51 настай гэр бүлийн хоёр хүнийг буудаж амь насыг нь хөнөөсөн хэрэг 9 сарын 9-ны өдөр гарсан. Хөвсгөл аймгийн харьяат 23 настай Б гэгч нь бэлчээрийн маргаанаас үүдэн маргалдаж уг хэргийг үйлдсэн гэх мэдээлэл байна. Сэжигтэн Б нь уг хэргийг үйлдэн хэргийн газраас оргон зайлсан ба түүнийг цагдаагийн хүчээр эрэн сурвалжилж байсан юм. Өнөөдөр /2020.09.11/ сэжигтэн Б-г өөрийгөө буудаж нас барсан байдалтай байхад нь олжээ.
