МУИС-ийн Номын сан үйлчилгээгээ өргөтгөн “Ховор ном, монгол бичгийн уншлагын танхим”-тай боллоо. Уншлагын танхим нь “Монгол бичгийн үндэсний хөтөлбөр-III”-ийг дэмжих, залуу үедээ үндэсний бичиг соёлыг өвлүүлэх, ховор номыг судалгааны эргэлтэд оруулах, үндэсний соёлын биет өвийг түгээн дэлгэрүүлэхэд хувь нэмрээ оруулах зорилготой аж. Тус номын санд зочилсоноор ховор ном, гар бичмэл болон монгол бичгээр хэвлэгдсэн бүтээлүүдийг унших боломжтой юм.
