Чөлөөт бөхийн эх орон АНУ-ын их, дээд сургууль, коллежийн “NAIA” дивизионы аварга шалгаруулах тэмцээн гуравдугаар сарын 4-5-нд Канзас мужийн Вичита хотод болно. Тус тэмцээнд АНУ-ын Невраска мужин Грит хотын “Доан” их сургуульд сурдаг гурван монгол залуу барилдана. Тэд спортын мастер Цэрмаагийн Чингэс (71.2 кг), Болдмаагийн Бат-Эрдэнэ (63.9 кг), Батхишигийн Одгэрэл (130 кг) нар юм. Б.Бат-Эрдэнийн хувьд 2020, 2021 онд тус тэмцээнд дараалан түрүүлж байв. Сонирхуулахад, спортын мастер Ц.Цогтбаяр тус сургуульд туслах дасгалжуулагчаар ажилладаг.
