Наро Банчэн Гэгээнтэн Монголын хараагүйчүүдийн үндэсний холбооны урилгаар “Жаргалтай хүүхэд нас” хүүхдийн баярт зориулсан өдөрлөгт зочлов.
Холбооны ерөнхийлөгч Д.Ганбат: Бид улсын хэмжээнд 10000 орчим бүрэн хараагүй болон сул хараатай гишүүдийнхээ хүрээнд үйл ажиллагаа явуулдаг. Холбооны харьяанд Аудио болон Брайль ном хэвлэх төв, Мэргэжил сургалт үйлдвэрийн төв, Best fm 98.5, Best massage сүлжээ төв, Нарны хаан хүүхдүүд цэцэрлэг, Best Cafe кофе шоп үйл ажиллагаа явуулдаг хэмээн үйл ажиллагаагаа танилцуулав.
Наро Банчэн Гэгээнтэн хүүхдүүдийн дуулсан дуу тоглосон хөгжмийг таалан сонсож хүүхдүүдэд гарын бэлэг өгснөөр арга хэмжээ өндөрлөлөө.
