Австралийн Перт хотод аравдугаар сарын 26-30-нд олон улсын жүдо бөхийн холбоо (IJF)-ны Номхон далайн орнуудын олимпийн эрхийн оноо олгодог нээлттэй тэмцээн болсон. Тус тэмцээний үеэр жүдо бөхийн шүүгчийн шалгалт болж Шаравын Баясгалан тухайн шалгалтыг амжилттай өгснөөр олон улсын "А" зэрэглэлийн шүүгч болжээ. Ш.Баясгалан нь 2009 онд Тайландын нийслэл Бангкокт болсон олон улсын "В" зэрэглэлийн шүүгчийн эрх авч байв. Тэрбээр "А" зэрэглэлийн шүүгч болсноор IJF-гийн цуврал "Мастерс", "Их Дуулга", Гранпри болон бусад тэмцээнийг дэнслэх эрхтэй болж байна.
