Волейболын эрэгтэйчүүдийн Азийн клубүүдийн аварга шалгаруулах тэмцээн тавдугаар сарын 14-21-нд Бахрейн улсад зохион байгуулагдана. Тэмцээнд Монгол, Бахрейн, Иран, Казакстан, Катар, Япон, Тайланд, Ирак, Хятад, Хонгконг, БНСУ, Австрали, Индонез, Йемен, Кувейт зэрэг нийт 16 орны клубүүд өрсөлдөх бөгөөд манай эрэгтэй тамирчид өнөөдөр эх орноосоо мордов.
Монгол Улсын эрэгтэйчүүдийн шигшээ баг нь өнгөрсөн жилийн Үндэсний дээд лигийн аварга “Баянхонгор Кроунд Гео” багийн нэрийн дор тивийнхээ шилдэг клубүүдийн эсрэг тоглох юм.
