2024 оны 12 сарын 26-ны өдөр Дархан-Уул аймгийн Бурханы шашинтны төвийн Тэргүүн лам нарын зөвлөлийн хурлын гишүүд болон тус аймгийн Гэцогдаржайлин, Үржин санагчойлин, Дархан Самяа, Лэгшаддонгойлин, Таравдо Замбуулин, Номун далай зэрэг хийдүүд хамтран ШШГЕГ-ын харьяа … дугаар ангийн хүмүүжигч нарт тусламж үзүүллээ.
Энэхүү тусламжийн хүрээнд хүмүүжигчдэд өвлийн дулаан хувцас болох малгай, цамц, өмд, бээлий, оймс зэргийг хандивласан бөгөөд энэ үйл ажиллагаанд Тэргүүн лам нарын зөвлөлийн Ажлын албаны дарга, гавж Д.Нямсамбуу оролцож, бясалгал болон ёс суртахууны талаар сургамжит яриа, таниулга хийлээ. Мөн лам хуврагууд хамтаар буян номын хурлыг үйлдэж, хүмүүжигчдийн сэтгэлд гэрэл гэгээ түгээв.
