АДМИН
Дэлхий дахинд тархсан цар тахлын азийн хоёр дахь голомт болоод байсан БНСУ коронавирусний тархалтыг хяналтад оруулаад байгаа. Уг цар тахлын улмаас халдвар авсан хүний тоо 11 142-д хүрч, 10162 хүн эдгэрсэн байна. Тэгвэл 2020 оны 5 дугаар сарын 27–ны өдөр тус улсын бага сургуулийн хичээл эхлэх гэж байна.
БНСУ-д 2020 оны хичээлийн шинэ жил 80-аад хоногийн дараа ийнхүү эхэлж байгаа нь энэ юм. Өнгөрсөн хугацаанд сурагчдын хичээлийг эхлүүлэхийн тулд дараах байдлаар бэлджээ. Коронавирус энэ хүн төрөлхтөний түүхээс арилж устахгүй байж магадгүй гэсэн таамгуудыг дэлхийн улс орны эрдэмтэд ярьж байна. Тиймээс үүссэн бэрхшээлийг хараад суух биш, цаг үе, нөхцөл байдалд тааруулж арга хэмжээ авч, шинэ гарцыг олж асуудлыг даван туулах шийдэл гаргах нь иргэн болоод төр засгийн бодлогын үүрэг болоод байгаа аж.
Тэр ч утгаараа сургуулиуд гар ариутгах хэрэгсэл, халуун үзэх арга төхөөрөмж, зай барих дэг журам, ширээний хаалт, хоол идэх үеийн зай барих дүрэм, хичээл тарсны дараах анги танхимын цэвэрлэгээ ариутгал зэрэгт өндөр анхаарал хандуулах юм.
|
Нийгэм
