АДМИН
2008 оноос хойш 5 удаа шав тавьж эхлүүлж байсан ч ашиглалтад ороогүй байсан Говь-Алтай- Баянхонгорын авто замын бүтээн байгуулалтыг төр хувийн хэвшлийн түншлэлээр 11 сарын турш тасралтгүй ажиллаж бэлэн болгожээ.
Засгийн газрын 2019 оны 04 дүгээр сарын 19-ний өдрийн хуралдаанаар “Баянхонгор-Алтай чиглэлийн 126.7 км хатуу хучилттай авто замыг Концессын тухай хуулийн дагуу гэрээний хэлцэл хийх шийдвэр гаргасан билээ.
Ингээд 2019 оны 05 дугаар сарын 09-ний өдөр “Макс рөүд” ХХК-тай концессын гэрээ байгуулан зам барилгын ажлыг эхлүүлж Ерөнхий сайд орон нутагт ажиллах үеэрээ замын ажлыг нээж байсан юм.
Зөвлөхөөр “Аварга зам” ХХК ажилласан энэхүү бүтээн байгуулалтаар Говь-Алтай, Ховд, Баян-Өлгий аймгууд нийслэл хоттой хатуу хучилттай авто замаар холбогдож байна.
Энэхүү зам ашиглалтад орсноор
Жилдээ зорчдог 400 мянга гаруй зорчигчдын болон ачаа тээврийн цагийг 2-2,5 дахин хэмнэнэ.
Бензин шатахууныг 30-40 хувь хэмнэх юм.
Ийнхүү засгийн газрын үйл ажиллагааны хөтөлбөрт багтсан нэг томоохон ажил биелж байна.
|
Нийгэм
