АДМИН
Зэвсэгт хүчний 101 жилийн ой, “Монгол цэргийн өдөр” тохиож буй энэ өдрүүдэд Цэргийн чуулгад шагналын хур буусаар байна. Энэ өдөр ЦДБЭЧ-ын ахмадуудаас төрийн дээд одон медалиар энгэрээ мялаасан баярт үйл явдал тохиолоо.
Тус шагналын арга хэмжээг нээн ЦДБЭЧ-ын дарга хурандаа Г.Золзаяа хэлсэн үгэндээ "Цэргийн чуулгын өнөөгийн хөгжлийг мөрөн дээрээ үүрч ирсэн эрхэм ахмадууд та бүхнийхээ бүтээл, хөдөлмөр зүтгэлийг бид цаг ямагт хүндэтгэн бахархах учиртай. Мөн ахмадууд, залуу үеийнхний хамтын ажиллагааг ямагт дэмжин ажиллах болно" хэмээсэн юм.
ЦДБЭЧ-аас энэ өдөр ахмад хөгжимчин Ж.Чулуун Монгол Улсын ерөнхийлөгчийн зарлигаар “Хөдөлмөрийн гавьяаны одон”-гоор, Р.Ганбаатар, Ш.Ганбаатар, Л.Батмөнх, Б.Батболд, Д.Оюунбилэг тэргүүтэй 42 ахмад “Зэвсэгт хүчний 100 жилийн ой”-н медалиар шагнууллаа.
Үйлс бүтээлээ үнэлүүлэн буй ахмадууддаа чуулгын уран бүтээлчдийн зүгээс морин хуурын эгшиг, уртын дуугаар мэндчилгээ дэвшүүлсэн юм.
|
Нийгэм
