Б.УУГАНБАЯР
Монгол Улсын Хөдөлмөрийн тухай хуульд зааснаар монголчууд жилд 9 баярын болон тэмдэглэлт өдрүүдэд 15 хоног амардаг.
Хуулийн дагуу Бурхан багшийн их дүйчин өдөр нь зуны тэргүүн сарын шинийн 15-нд тохиодог. Энэ өдөр нь аргын тооллын тавдугаар сарын 16 болон зургаадугаар сарын 14-нд хоёр удаа тохиож байгаа юм. Гандантэгчэнлин хийдээс 2022 оны тав, зургаадугаар сард хоёуланд нь зуны тэргүүн сар тохиож байгаа бөгөөд зурхайн ухаанаараа Бурхан багшийн дүйчин өдөр нь зургаадугаар сарын 14-нд тохионо хэмээн мэдээлсэн.
Тиймээс ирэх мягмар гараг бүх нийтээр амрах өдөр тохиож байна.
Бурхан багшийн дүйчин өдрийн өглөө 4:30 цагт МБШТөв Гандантэгчэнлин хийдийн Цорж лам, гавж Б.Чойжилсүрэн нийт лам хуврага, сүсэгтэн олонд нэг өдрийн “ ТЭГЧЭН СОЖИН” хүртээнэ хэмээн Гандантэгчэнлин хийдээс мэдээллээ.
|
Нийгэм
