Бүртгэгдсэн гэмт хэрэг 2022 оны эхний 5 сард 16850 болж, өмнөх оны мөнүеэс 7481 (79.8%)-ээр өсжээ. Нийт бүртгэгдсэн гэмт хэрэг өмнөх оны мөн үеэс өсөхөд өмчлөх эрхийн эсрэг гэмт хэрэг 5846 (2.2 дахин), хүний эрүүл мэндийн халдашгүй байдлын эсрэг гэмт хэрэг 1297 (45.3%), хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг 239 (96.8%), хүний бэлгийн эрх чөлөө, халдашгүй байдлын эсрэг гэмт хэрэг 125 (57.1%)-аар өссөн нь голлон нөлөөлжээ

Гэр бүлийн хүчирхийллийн улмаас үйлдэгдсэн 870 хэргийн 63 (7.2%) нь Монгол Улсын Эрүүгийн хуулийн 11.7 дугаар зүйл (Гэр бүлийн хүчирхийлэл үйлдэх гэмт хэрэг)-ээр зүйлчлэгдсэн байна.

Гэр бүлийн хүчирхийлэл үйлдэх гэмт хэрэг 2022 оны эхний 5 сард 63 бүртгэгдсэн нь өмнөх оны мөн үеэс 2 (3.3%)-оор өсжээ. Харин 2022 оны 5 дугаар сард 12 хэрэг бүртгэгдсэн нь өмнөх сараас 2 (14.3%)-оор буурсан байна. Гэр бүлийн хүчирхийллийн улмаас 2022 оны эхний 5 сард 4882 зөрчил бүртгэгдсэний 3764 (77.1%) зөрчлийг шалган шийдвэрлэжээ. Бүртгэгдсэн гэр бүлийн хүчирхийллийн нийт зөрчил өмнөх оны мөн үеэс 767 (18.6%)-гоор, шийдвэрлэсэн гэр бүлийн хүчирхийллийн нийт зөрчил 789 (26.5%)-өөр тус тус өсжээ. 16, түүнээс дээш насны 10000 хүнд ногдох бүртгэгдсэн гэмт хэрэг 2022 оны эхний 5 сард 78 болж, өмнөх оны мөн үеэс 34 (77.3%)-өөр өссөн байна. Харин 2022 оны 5 дугаар сард 16 болж, өмнөх сарын түвшинд байна.

Гэмт хэргийн улмаас хохирсон хүн 2022 оны эхний 5 сард 16.5 мянга болж, 941 (5.7%) нь 18 хүртэлх насны хүүхэд, 7493 (45.4%) нь эмэгтэйчүүд байна.

Гэмт хэргийн улмаас 2022 оны эхний 5 сард 4511 хүн гэмтэж, 353 хүн нас барсан нь өмнөх оны мөн үеэс гэмтсэн хүн 1513 (50.5%)- аар, нас барсан хүн 96 (37.4%)-гаар өсжээ. Улсын хэмжээнд 2022 оны эхний 5 сард 32.0 мянган хүн эрүүлжүүлэгдэж, 7.0 мянган хүн баривчлагдсан нь өмнөх оны мөн үеэс эрүүлжүүлэгдсэн хүн 3455 (12.1%)-аар, баривчлагдсан хүн 1289 (22.4%)-өөр тус тус өссөн байна.