АДМИН
Сүхбаатар аймгийн Баруун-Урт сумын ... дугаар баг, “Хүннү” зочид буудлын хашаанд автомашин шатаж байна гэсэн дуудлагыг 10 сарын 18-ны өдрийн 19:36 цагт аймгийн Онцгой байдлын газрын Гал түймэр унтраах, аврах 15 дугаар ангийн алба хаагчид хүлээн авчээ. Алба хаагчид 1 км замыг туулан очиход иргэн Н-ийн эзэмшлийн “Тоёота королла” загварын суудлын автомашин шатаж байсныг 3 минут ажиллаж унтраасан байна.
Мөн Өмнөговь аймгийн Цогтцэций сумын (Тавантолгой) Сийрст багийн “Цэций-Уул“ хорооллын .. дугаар гудамжинд автомашины бүхээг шатаж байна гэсэн дуудлагыг 10 сарын 19-ний өдрийн 00:01 цагт хүлээн авсан. Тус аймгийн Онцгой байдлын газрын Цогтцэций сум дахь Гал түймэр унтраах, аврах 44 дүгээр ангийн алба хаагчид 2 км замыг туулан очиход иргэн Ц-ийн эзэмшлийн улсын дугааргүй, “Микро” загварын автомашины бүхээг, 3*2.5 метрийн хэмжээтэй амбаар шатаж байсныг 32 минут ажиллаж унтраасан байна.
Эх сурвалж: ОБЕГ
|
Нийгэм
