АДМИН
Нүүрс дагасан маш том мафийн бүлэглэл бий болсон. Улсын эдийн засгаас гадуур хяналтгүй маш их хэмжээний мөнгө эргэж байна. Цаашид хатуу арга хэмжээ авах талаар ерөнхий сайд Л.Оюун-Эрдэнэ мэдэгдсэн. Тэрээр уг мэдэгдэлдээ нүүрсний хулгайд А.Адьяасүрэнгээс эхлээд нэр бүхий хэд хэдэн гишүүн холбоотой, цаашид хатуу арга хэмжээ авч ажиллана гэдгээ хэлсэн юм.
Дээрх асуудалтай холбогдуулан УИХ-ын гишүүн Ж.Батсуурь хэвлэлд мэдээлэл өгсөн байна.
Тэрбээр:
"Энэ бол хулгайч нь хулгайчаа бариарай гэсэн л асуудал. Ардчилсан намын гишүүд нүүрсний хулгайд холбоотой гэдгийг үгүйсгэж байна. Хэрвээ холбоотой байсан бол 2016 оноос хойш АТГ, Тагнуул, цагдаа, Прокурор гээд бүх хүч нэг гарт буюу эрх барьж байсан. МАН-д байсан. Шалгаж байхгүй яасан юм. Өөрсдийнх нь асуудал хөндөгдөөд эхлэхэд саармагжуулж байгаа асуудал. Нүүрсний бизнестэй Ардчилсан намын гишүүдийг хутгаж байна. Үнэхээр холбоотой байсан бол МАН өнгөрсөн 7 жилийн хугацаанд шоронд хийж, шонд өлгөх ч боломж байсан. Холбоогүй байсан учраас чадаагүй" гэв.
|
Нийгэм
