АДМИН
Монгол Улсын Шадар сайд С.Амарсайхан эдгээр өдрүүдэд Бельгийн Хаант Улсад зохион байгуулагдаж буй Монгол Улс, Европын холбооны хамтын ажиллагааны хамтарсан хорооны 22 дугаар хуралдаанд оролцож буй.
Үүний хүрээнд Хөгжлийн хамтын ажиллагааны ажлын хэсэг байгуулах тухай албан ёсны шийдвэрт Хамтарсан хорооны Монголын хэсгийн дарга Шадар сайд С.Амарсайхан, Европын Холбооны хэсгийн дарга Европын Холбооны Гадаад харилцааны албаны Ази, Номхон далайн газрын захирал Гуннар Веганд нар гарын үсэг зурлаа.
Хөгжлийн хамтын ажиллагааны ажлын хэсэг нь Европын Холбооны Олон жилийн баримжаат хөтөлбөрийн шугамаар хэрэгжиж буй төслийг үр дүнтэй хэрэгжүүлэх талаар санал солилцдог чухал механизм юм.
Европын Холбооноос Монгол Улсад ногоон тогтвортой хөгжил, ардчилал болон эдийн засгийн хөгжил гэсэн тэргүүлэх чиглэлд 33 төслийг санхүүжүүлэн хэрэгжүүлж байна.
|
Нийгэм
