АДМИН
Нийслэлийн Онцгой байдлын газраас алба хаагчдын сургалтын онол, дадлага, ур чадварын чиг хандлагад үнэлгээ хийх, багийн нэгдсэн ажиллагаанд сургаж дадлагажуулах, мэргэжлийн ур чадвар, авхаалж самбаа, бие бялдрыг хөгжүүлэх, тэсвэр хатуужил олгох, гал түймэр унтраах, аврах ангиудын сургалтын үйл ажиллагааг эрчимжүүлэх зорилгоор сорил, сургалт дадлагыг улирал бүр зохион байгуулдаг.
Энэ удаагийн сорил сургалт дадлагыг өнөөдөр Налайх дүүрэгт буудлага, ур чадвар, буухиа /4*100метр/, гал түймэр унтраах тархалтын төрлүүдээр зохион байгуулж байна.
Нээлтийн ажиллагааны үеэр дарга, хурандаа А.Дашням алба хаагчдад амжилт хүслээ.
Сорил, сургалт дадлагад бүтцийн нэгжүүдийн баг, тамирчид оюун ухаан, хурд, хүч, эр зориг, авхаалж самбаагаа сорин өрсөлдөж байна.
|
Нийгэм
