АДМИН
УАШТ-ий 59 кг-ын жингийн финалд “Хантайшир” клубийн бөх Батхуягийн Анударь өрсөлдөгч бөх, армийн ДАШТ-ий хүрэл медальт Б.Болор-Эрдэнийг 7:5-аар хожлоо. Ингэснээр тэрбээр УАШТ-д анх удаа түрүүлж байна.
Б.Анударь ДАШТ-ий мөнгөн медальт Б.Хулангийн төрсөн дүү бөгөөд эгч нь хэдхэн минутын өмнө 53 кг-д түрүүлсэн билээ.
Эгч, дүүс УАШТ-д нэг өдөр түрүүлсэн ховорхон тохиолдол өнөө жилийн УАШТ-д ийн тохиов.
Энэ жингийн хүрэл медалийг “Их Монголын хүчтэн” дэвжээний Л.Эрдэнэболор хүртлээ.
Тэрбээр медалийн төлөөх шийдвэрлэх барилдаанд “Хасу мегастарс” клубийн Б.Хоролгаравыг 6:2-оор хожсон юм.
|
Нийгэм
