Эрүүл мэндийн яам болон ДЭМБ-ын Монгол улс дахь Суурин төлөөлөгчийн газар хамтран зохион байгуулж буй “Халдварт бус өвчнөөс урьдчилан сэргийлэх, хянах талаар улс орон хоорондын туршлага солилцох уулзалт, хэлэлцүүлэг”-ийн хүрээнд 2024 оны зургадугаар сарын 10-15-ны өдрүүдэд нийслэл болон орон нутагт ажиллахаар ДЭМБ-ын НДББ, бүсийн зарим орнуудаас зөвлөхүүд манай улсад хүрэлцэн ирээд байна. 

Зөвлөхүүдийн багийн бүрэлдхүүнд ажиллаж буй ДЭМБ-ын НДББ-ийн ХБӨ-ий Менежмент хариуцсан Зохицуулагч Др. Роландо Энрике Доминго, ДЭМБ-ын НДББ-ийн Номхон далайн арлын улсуудын ХБӨ-ий асуудал ариуцсан Багийн зохицуулагч Др. Томо Канда, Филиппин улс дахь ДЭМБ-ын Суурин төлөөлөгчийн газрын ХБӨ-ий асуудал хариуцсан мэргэжилтэн Др. Жон Жулиард Го, Др. БНХАУ дахь ДЭМБ-ын Суурин төлөөлөгчийн газрын ХБӨ, хоол тэжээлийн асуудал хариуцсан мэргэжилтэн Чүй Ин нар өнөөдөр Нийгмийн эрүүл мэндийн үндэсний төв дээр ажиллаж, НЭМҮТ-өөс ХБӨ-ий чиглэлээр хэрэгжүүлж буй үйл ажиллагаа, судалгаа, төсөл хөтөлбөрүүдийн явц, үр дүнтэй танилцаж, уулзалтад оролцогчид харилцан асуулт асууж, хариулт өгч, санал солилцлоо.

Уулзалтад ЭМЯ-ны НЭМГ-ын ХБӨХ-ийн дарга Г.Ганхуяг, ДЭМБ-ын Монгол улс дахь Суурин төлөөлөгчийн газрын ХБӨ-ий асуудал хариуцсан мэргэжилтэн С.Болормаа, зөвлөх Н.Оюунгэрэл болон НЭМҮТ-ийн УЗ-ийн гишүүд оролцов.