АДМИН
Нью Йорк хотод шинэ хуулийн дагуу ажил дээрээ хөхний сүүгээ саах шаардлагатай эхчүүдэд цалинтай завсарлага өгдөг болжээ. Тодруулбал, төрсний дараа ажилдаа буцаж ирсэн Нью-Йоркийн эхчүүд шинэ хуулийн дагуу ажил дээрээ хөхний сүүгээ саах шаардлагатай үед цалинтай завсарлага авах болно.
Тус мужийн Засаг дарга Кэти Хочул хэлэхдээ, төрсний дараа гурван жил хүртэлх хугацаанд хөхний сүүгээ саах шаардлагатай ажилчдад тус мужийн ажил олгогчид хагас цагийн цалинтай завсарлага өгөхийг хуулиар шаарджээ.
"Нью-Йоркийн анхны эмэгтэй захирагчийн хувьд би ажиллаж байгаа эхчүүдэд гэр бүлээ хүчирхэг, эрүүл байлгахад шаардлагатай хамгаалалтыг өгөхийн тулд өдөр бүр тэмцэж байна" гэж Хочул хэвлэлд өгсөн ярилцлагадаа дурджээ.
Ажил олгогчид цалинтай завсарлагааны талаар ажилчдад хэлэх шаардлагатай. Хууль нь муж улсын төрийн болон хувийн хэвшлийн бүх ажил олгогчдод хамаарна. Хөхний сүүг саах завсарлагааны хугацааг ажилтны урьд өмнө нь байсан хоолны завсарлага эсвэл бусад цалинтай завсарлагаас хасаж болохгүй хэмээн заажээ.
Эх сурвалж: ABC News
Б.НАНДИН-ЭРДЭНЭ
|
Нийгэм
