АДМИН
Онцгой байдлын ерөнхий газар, Японы олон улсын хамтын ажиллагааны байгууллага /ЖАЙКА/-тай хамтран хэрэгжүүлж байгаа “Газар хөдлөлтийн чадавхыг бэхжүүлэх төсөл”-ийн хоёрдугаар үе шатны хүрээнд ажлын хэсэг энэ сарын 25-27-ны өдрүүдэд Дархан-Уул, Орхон аймагт ажиллалаа. Ажлын хэсгийн гишүүд төсөл хэрэгжиж байгаа дээрх хоёр аймгийн Онцгой байдлын газарт газар хөдлөлтийн аюулыг биеэр мэдрэх VR төхөөрөмж болон барилгын хүчитгэлийн макетууд, үзүүлэн самбар зэрэг сургалтад ашиглагдах хэрэглэгдэхүүнүүдийг хүлээлгэж өгсөн юм. Түүнчлэн эдгээр сургалтын хэрэглэгдэхүүнийг хэрхэн ажиллуулах, ашиглах талаарх сургалтыг алба хаагчдад зохион байгуулж, заавар зөвлөмжөөр ханган ажиллалаа.
|
Нийгэм
