2025 оны наймдугаар сарын 23-ны өдөр 03:00 цагийн орчимд ATM-ын гадаа асаалттай орхисон машин алдагдсан гэх дуудлага мэдээлэл цагдаагийн байгууллагад бүртгэгджээ. Хэргийг СБД-ийн цагдаагийн хэлтэст шалгаж байна. Энэ оны эхний долоон сарын байдлаар улсын хэмжээнд 119 тээврийн хэрэгсэл хулгайд алдагдсан гэх мэдээлэл бүртгэгдсэн байна.
Иймд иргэн та бүхэн өөрийн тээврийг хэрэгслээ харуул хамгаалалт, хяналтын камертай газар байршуулах, асаалттай орхихгүй байх, болзошгүй эрсдэлээс өөрийгөө хамгаалахыг цагдаагийн байгууллагаас сэрэмжлүүлж байна.