АДМИН
2025 оны наймдугаар сарын 31-ний өдрийн 12 ордын зурхайг танилцуулж байна.
Хонь: Гэр орны ахуйн ажилд оролцон, дотоод уур амьсгалыг эерэг байлгахыг хичээ. Гэр бүлд үл ойлголцол гарвал чин сэтгэлээсээ ярилц. Дотнын хүмүүсээ юу хүсэж байгааг мэдэр. Энэ өдөр шинэ санаа, өвөрмөц бодол янз бүрийн эсэргүүцэлтэй тулгарна. Гэвч таны мөн чанарыг өөрчилж чадахгүй. Судалгаа тооцоотой өөрийн санаа бодлыг тууштай хамгаалахад та буруудахгүй.
Үхэр: Ямар ч нөхцөл байдалд урам зоригтой байх нь энэ өдрийн зөв хандлага болно. Эрх чөлөөнд тэмүүлэх, нөхөрлөлдөө үнэнч байх зэрэг нь танаас багагүй тэсвэр тэвчээр шаардана. Үл хөдлөх хөрөнгө худалдан авах, асран хамгаалагчийн үүрэг гүйцэтгэх зэрэг нь танд таатай байна. Бусдын ач тусыг аль болох хурдан хариулахыг хичээ.
Ихэр: Дархлаа муудаж, амьсгалын систем өвдөж болзошгүй байна. Эрүүл агаарт гарахыг урьтал болго. Өнөөдөр таны толгойд сонирхолтой шинэ санаа төрнө. Гэхдээ шинэ санаа төслөөс хурдан хугацаанд их мөнгө олно гэж бүү найд. Өнөөдөр од эрхэс таны гэр бүлд аз жаргалтай өөрчлөлтийг амлаж байна. Жинхэнэ хайраар холбогдсон гэрлэлтийн үнэ цэнэ тодорно.
Мэлхий: Энэ амралтын өдрийг эгэл жирийн өнгөрөөх хүсэл давамгайлна. Гэхдээ залуу хүмүүс аль болох идэвхтэй амьдрах хэрэгтэй үе. Харин дунд насныхан ажлын ачааллаа тохируулах төлөвлөгөөг эртнээс боловсруул. Зарим хол газар явах хүмүүс бичиг баримтаа сайн нягтлан шалга. Хайртай хосуудын харилцаанд ээдрээ үүснэ.
Арслан: Энэ өдөр хичээл сурлагатай холбоотой үйл ажиллагаанд таатай байна. Сурлагын чанарыг нь сайжруулахын тулд үр хүүхдээ ур чадваргүй гэж загнах хэрэггүй. Олны дунд тархсан цуу ярианд автах хэрэггүй. Аливаа шийдвэрийг гаргахад гаднын нөлөө ил далд ихээр нөлөөлөх магадлалтай үе. Од эрхсийн дохиог зөн мэдрэмжээрээ тайлахыг хичээ.
Охин: Ямар ч ажлыг хийхэд багагүй эр зориг хэрэг болно. Залуу хүмүүс чухал шийдвэр гаргах үе. Олны хэл аманд өртөх магадлалтай. Хүлээцтэй байх нь чухал. Гэхдээ үзэл бодлоо сайн хамгаал. Амьдралын туршлагатай хүнтэй ярилцах нь танд томоохон туршлага болно. Зарим үед урсгалыг сөрөх мэдрэмжээ асаа.
Жинлүүр: Зөв хооллож байх шаардлагатай байна. Хэт өөх тостой, хурц хоол хүнсийг тааруулж хэрэглэ. Эрүүл агаарт гарч эрч хүчээ сэргээ. Од эрхсийн нөлөөг өөрийн амьдралын хэмнэлдээ зөв тусгаж ав. Хувийн амьдралд гаднын нөлөө ихэснэ. Бүх хүний санаа бодолд ижил тэгш нийцэх гэж оролдох хэрэггүй.
Хилэнц: Танд тамир тэнхээ сайжруулах амралт болон арга хэрэгсэл шаардлагатай байгааг од эрхэс зөвлөж байна. Таны хэт хичээл чармайлт үр дүн багатай байна. Өөрийн зүрх сэтгэлийг сайн сонс. Нууц далд утгатай мэдээлэлтэй ажиллах бол алхам бүрээ хяна. Сайн судлаагүй үйл ажиллагаа эхлэх гэж бүү яар. Зөн мэдрэмж өндөр байна.
Нум: Гэр бүл, хайртай хүндээ тавих таны анхаарал халамж энэ үед их хэрэгтэй байна. Хайртай хүмүүс тань таны хайр халамжид улам сэтгэл татам харагдах болно. Худалдаа наймаа хийхдээ болгоомжтой бай. Үнэтэй эд зүйлийг сайн шалгаж авахгүй бол мөнгөө дэмий үрэх магадлалтай байна.
Матар: Танд амжилт хол санагдаж байсан ч шантарч болохгүй. Од эрхсийн нөлөөгөөр та хүчирхэг мэт харагдана. Та мэдрэмжтэй тул гадаад байдал, үйл хөдлөлөөрөө бусдын анхаарлыг татах болно. Ганц бие хүмүүс эсрэг хүйсийнхээ хүний анхаарлын төвд байна. Аядуу зөөлөн болон омголон түргэн зан танд хослон илэрнэ.
Хумх: Өнөөдөр таны мэдрэлийн системийг шалгаж сорих үйл явдал болно. Эргэн тойронд жижиг сажиг таагүй зүйлс гарсаар байх болно. Амар тайван хүлээцтэй байдал л таныг элдэв стресс, нойргүйдлээс сэргийлэхэд ашиг тусаа өгнө. Өөрийгөө таньж мэдрэхэд цаг зав гарга.
Загас: Танд гялалзсан хүсэл мэдрэмж төрөх боловч энэ удаа хайрын адал явдалд зориулах цаг хугацаа, эрч хүч байхгүй байна. Амар тайван орчин танд илүү чухал байна. Олныг хамарсан арга хэмжээнд анхааралтай оролцоорой. Бусдын санаа бодлыг шууд хүлээн зөвшөөрөх хэрэггүй. Од эрхсийн нөлөө тийм ч ойлгомжтой биш үе тул илүү биеэ барьж, хэлэх үг үйлдлээ сайн анхаар.
|
Нийгэм
