АДМИН
Монгол Улсын Ерөнхий сайдын ивээл дор Баянхонгор аймагт зохион байгуулах 2025 оны Монгол Улсын аварга эрэгтэйчүүдийн 63 дахь, эмэгтэйчүүдийн 55 дахь шатрын тэмцээн эхлэхэд бэлэн болж, тэмцээнд оролцох шилдгийн шилдэг шатарчид өнөөдөр хонгор нутагт морилов. Шатарчдыг аймгийн ИТХ-ын нарийн бичгийн дарга Д.Энхжаргал, Баянхонгор аймаг дахь Шатрын холбооны тэргүүн Г.Батжаргал нар угтан авлаа. Шатрын улсын аварга шалгаруулах тэмцээн маргаашаас буюу есдүгээр сарын 3-наас нийт 11 өдрийн турш явагдах болно. Шатрын аварга шалгаруулах тэмцээний нээлт маргааш 11:00 цагт эхэлнэ.
|
Нийгэм
