Нийслэлийн Соёл урлагийн газраас оюунлаг, соёлтой, ухамсарт иргэнийг төлөвшүүлэх, эерэг сэтгэлгээг хөгжүүлэх, иргэний соёлын боловсрол, ёс зүй, зан суртахууны зөв төлөвшлийг түгээн дэлгэрүүлэх, инновац, шинэчлэлийн үнэт зүйлсийг дэмжих, уран бүтээлчдийн туршлага солилцох боломжийг бүрдүүлэх, хувь хүний ухамсар, нийгмийн сайн сайханд үлгэр үзүүлэх зорилгоор “UB Drone Battle” уралдааныг зарлалаа.

Уг уралдаанд бүх насны, мэргэжлийн болон сонирхогчид оролцох боломжтой бөгөөд бүтээлийг энэ сарын 10-30-ны өдрийн хооронд хүлээн авна. Харин уралдааны шалгаруулалтыг 10 дугаар сарын 1-5-ны өдрүүдэд хийж, шилдэг бүтээлийн шагналыг 10 дугаар сарын 10-ны өдөр гардуулна. 

I. ЗОРИЛГО:

• Нийслэлийн оюунлаг, соёлтой, ухамсарт иргэнийг төлөвшүүлэх, эерэг сэтгэлгээг хөгжүүлэх
• Иргэний соёлын боловсрол, ёс зүй, зан суртахууны зөв төлөвшлийг түгээн дэлгэрүүлэх
• Инновац, шинэчлэлийн үнэт зүйлсийг дэмжих, уран бүтээлчдийн туршлага солилцох боломжийг бүрдүүлэх,
• Хувь хүний ухамсар, нийгмийн сайн сайханд үлгэр үзүүлэх
• Улаанбаатар хотыг оюунлаг иргэншил, ногоон хөгжил, өв уламжлал ба орчин үеийн зохицол бүхий жишиг хот болгон төлөвшүүлэх

II. ЗОРИЛТ

• Улаанбаатар хотын хөгжил, бүтээн байгуулалт, архитектур, байгаль орчны өөрчлөлтийг эерэг өнцгөөс олон нийтэд таниулах
• Иргэний соёлын боловсрол, оюунлаг иргэншил, хамтаар орших ухамсрыг бүтээлч байдлаар илэрхийлэх
• Иргэдийн өдөр тутмын зөв үйлдэл, хариуцлагатай зан төлөв, эерэг сэтгэлгээ, ёс зүй, зан суртахуун, хувь хүний ухамсрыг харуулах
• Хотын үнэт зүйлс болох оюунлаг соёл, ногоон хөгжил, өв уламжлал ба орчин үеийн зохицлыг бүтээлчээр харуулах
• Иргэдийн оролцоо, бүтээлч санаа, инновацыг дэмжиж, нийгмийн хөгжилд хувь нэмэр оруулах ач холбогдлыг тодотгох
• Уралдааны бүтээлээр дамжуулан боловсрол, хүмүүжил, нийгмийн сайн сайханд үлгэр үзүүлэх үнэт зарчмыг түгээн дэлгэрүүлэх
• Дэвшилтэт технологи, дижитал урлагийн шинэлэг хэрэглээг хөгжүүлж, инновацын соёлыг төлөвшүүлэх
• Уралдааныг олон улсын жишигт нийцүүлэн өргөжүүлж, Улаанбаатар хотын нэр хүндийг дэлхий дахинд сурталчлах

III. ХАМРАХ ХҮРЭЭ

• Уралдаанд бүх насны, мэргэжлийн болон мэргэжил харгалзахгүй иргэд оролцох боломжтой.

IV. БҮТЭЭЛД ТАВИГДАХ ШААРДЛАГА

Видео контент:

• Хугацаа: 15 секундээс 2 минут хүртэл
• Улаанбаатар хотын орчин үеийн дүр төрх, иргэдийн амьдралын хэв маяг, соёлын боловсрол, байгаль орчин, хотын соёл, хамтаар амьдрах нийгмийн сайн сайханд үлгэр үзүүлэх үнэт зарчмыг түгээн дэлгэрүүлэх агуулгыг харуулсан байх
• Бүтээлийн агуулга, чанар, бүтээлч хандлага, шинэ шийдэл, уран сэтгэмжийг харж үнэлнэ.
• Дуу, дүрсний зохицол, эвлүүлэг, өнгө, өгүүлэмжийн чанар өндөр түвшинд байх

Техникийн шаардлага:

• Камер, гар утас, дрон, олон үйлдлийн камер зэрэг бүх төрлийн төхөөрөмж ашиглаж болно
• Видео: HD (1280x720) болон түүнээс дээш чанартай
• Бүтээл нь шинэлэг, эх загвар байх ёстой (хуулбар болон AI-гаар бүрэн бүтээсэн байж болохгүй)               
•  

    V. ШАЛГАРУУЛАЛТЫН ЖУРАМ

• Бүтээлүүдийг “UB Drone Battle” албан ёсны Facebook болон Instagram хуудсанд нийтэлнэ
• Хуурамч, зохиомол хандалт илэрвэл оноо хасалт хийнэ
• Урьдчилсан шат – Олон нийтийн оролцоо Like, Share, Comment зэргийн тоо: 20 оноо
• Эцсийн шат – Шүүгчдийн үнэлгээ (80%)
• Агуулгын зохиомж: 20 оноо
• Бүтээлч санаачлага, шинэ шийдэл: 25 оноо
• Техникийн дуу, дүрсний гүйцэтгэл: 20 оноо
• Нийгмийн эерэг уриалга: 15 оноо
• Нийт үнэлгээ: 100 оноо

  VI. УРАЛДААНЫ ХУГАЦАА

• Уралдааны бүтээл хүлээн авах, бүтээлийг олон нийтэд түгээх: 2025 оны 09 дүгээр сарын 10–30-ны өдөр
• Уралдааны шалгаруулалт хийх: 2025 оны 10 дугаар сарын 01-05-ны өдөр
• Шилдэг бүтээлийн шагнал гардуулах: 2025 оны 10 дугаар сарын 10-ны өдөр

 VII. ШАГНАЛ, УРАМШУУЛАЛ

• 1 дүгээр байр: DJI Mavic Pro 4 (мэргэжлийн дрон)
• 2 дугаар байр: 10,000,000 төгрөг (мөнгөн шагнал)
• 3 дугаар байр: 5,000,000 төгрөг (мөнгөн шагнал)

   VIII. ХОЛБОО БАРИХ

• И-мэйл: info@ubdronebattle.mn
• Facebook / Instagram: @ubdronebattle
• Холбоо барих: Нийслэлийн Соёл, урлагийн газрын Соёлын үйлдвэрлэл, урлагийн хэлтсийн ахлах мэргэжилтэн Б.Шашу (9587 9597)