АДМИН
Аи-92 автобензиний импорт, тээвэрлэлт, борлуулалтын нөхцөл байдлын мэдээллийг хүргэж байна. 2025 оны аравдугаар сарын 27-ны 17:00 цагийн байдлаар:
УБТЗ-ын мэдээгээр 2025.10.27-ны өдрийн өглөөний 08:00 цагийн байдлаар нийт 53 вагон байгаагаас агуулах бүхий буух өртөө буюу Толгойт өртөөнд 26, Рашаант өртөөнд 4 вагон буултад, галт тэргэнд Улаанбаатар өртөө рүү 5, Рашаант өртөө рүү 4, Толгойт өртөө рүү 4, Дархан өртөө рүү 5, Сайншанд өртөө рүү 5 вагон чиглэн явж байна.
Өнөөдөр 17:00 цагийн байдлаар Сүхбаатар өртөөнд 29 вагон орж ирээд байна.
Улаанбаатар хот дахь томоохон ААН-ын агуулахын АИ-92 автобензиний нөөц өнөөдөр 17:00 цагийн байдлаар 2,272 тонн байгаа ба өнөөдөр дээрх агуулахуудад 30 вагон буюу нийт 1,800 тонн АИ-92 автобензин бууж байгаа бөгөөд агуулахад буусан шатахууныг 115 ШТС-ууд руу ачих, түгээх ажлыг шуурхай зохион байгуулан ажиллаж байна.
Нийслэлийн хэмжээнд нийт 282 орчим шатахуун түгээх станц (ШТС) бүртгэлтэй байгаагаас АИ-92 автобензин импортлох зөвшөөрөлтэй Петровис, Шунхлай, Сод монгол, Тэс петролиум, Монсуль, Газ ойл, Синчи ойл, Тод петролиум, М-Ойл, Магнай трейд зэрэг ААН-үүдийн 241 ШТС тогтмол үйл ажиллагаа явуулдаг.
Өнөөдрийн байдлаар дээрх ААН-үүдийн 190 ШТС тодорхой хэмжээний үлдэгдэлтэй, борлуулалт хийж байгаа ба агуулахаас өнгөрсөн 24 цагт үлдэгдэл нөөц багассан 115 ШТС-руу 1,169 тонн АИ-92 автобензиний ачилт хийсэн.
|
Эх сурвалж
| Аж үйлдвэр, эрдэс баялгийн яам
|
Нийгэм
