АДМИН
Цагдаа, дотоодын цэргийн байгууллагын ахлагч бүрэлдэхүүний мэргэжлийн ур чадвар, албаны бэлэн байдал, хууль эрх зүй, гадаад хэлний мэдлэг, галт зэвсэг, бие бялдрын бэлтгэлжилтийн түвшинг хангуулах зорилгоор зохион байгуулагдсан “Шилдэг ахлагч-2025” тэмцээний аваргууд тодорч, шагналыг өнөөдөр /2025.10.27/ Цагдаагийн ерөнхий газрын Дэд бөгөөд Стратеги бодлого, инновац хөгжлийн албаны дарга, бригадын генерал О.Ганбат гардуулан өглөө.
Тэмцээний эрэгтэй төрөлд:
- “Тэргүүн байр”-т Дотоодын цэргийн 809 дүгээр ангийн довтлогч, дэд ахлагч Б.Ганбат;
- “Дэд байр”-т Тусгай ажиллагааны газрын довтлогч, цагдаагийн ахлах ахлагч Б.Баасанжав;
- “Гутгаар байр”-т Нийтийн хэв журам хамгаалах, олон нийтийн аюулгүй байдлыг хангах албаны харуулын цагдаа, цагдаагийн дэд ахлагч Б.Цээноров;
Эмэгтэй төрөлд:
- “Тэргүүн байр”-т Дотоодын цэргийн 05 дугаар ангийн холбоо теле хяналтын техникч, дэд ахлагч Г.Болор-Эрдэнэ;
- “Дэд байр”-т “Дотоодын цэргийн 809 дүгээр ангийн хамгаалалтын ажилтан, дэд ахлагч Б.Отгонжаргал;
- “Гутгаар байр”-т Нийтийн хэв журам хамгаалах, олон нийтийн аюулгүй байдлыг хангах албаны харуулын цагдаа, цагдаагийн дэд ахлагч Б.Цэрэннадмид нар тус тус шалгарлаа.
|
Нийгэм
