Т.УНДРАХБАЯР
Түргэн тусламжийн машин нийслэлийн бүх хотхон, хорооллын хаалтыг саадгүй нэвтрэх, түргэний машины тусдаа зогсоолтой болгох асуудлыг шийдвэрлэж ажиллахыг Нийслэлийн эрүүл мэндийн газрын дарга Н.Наранбаатарт үүрэг болгов.
Учир нь түргэний машин дуудлагын дагуу очиход цаг алдах, зогсоолгүйн улмаас тойрч явах зэрэг хүндрэлүүд гардгийг Нийслэлийн түргэн тусламжийн газарт Эрүүл мэндийн сайд Ж.Чинбүрэн ажиллах үеэр түргэний эмч, жолооч нар хэлсэн юм.
Өнөөдрийн байдлаар, Нийслэлийн түргэн тусламжийн төвд 78 түргэний машин өдрийн 3 ээлжээр дуудлагад явж байгаа ба 125 жолооч, 175 эмч ажиллаж байна.
Сүүлийн жилүүдэд баригдсан орон сууцны хотхон, хорооллуудын ихэнх нь хаалттай, хамгаалалттай байдлаар төлөвлөгдөж, түргэн тусламж, гал унтраах зэрэг шуурхай албаны автомашин чөлөөтэй нэвтрэх боломж хязгаарлагдаж байна. Цаашид хотхон, хорооллын хаалт, авто зогсоолын зохион байгуулалтад түргэн тусламжийн автомашины нэвтрэлтийг тусгах, тусдаа зогсоол бий болгох асуудлыг шийдвэрлэж ажиллах юм.
|
Нийгэм
