Б.АМАРТҮВШИН
2026 оны 02 дугаар сарын 05-ны өдөр Дархан-Уул, Хөвсгөл, Говьсүмбэр аймагт гал түймрийн гурван дуудлага бүртгэгдэж, Онцгой байдлын алба хаагчид шуурхай ажиллан галыг унтраалаа.
Тодруулбал, Дархан-Уул аймгийн Хонгор суманд /аймгийн төвөөс урд зүгт 24 км-т, сумын төвд/ суудлын автомашин шатаж байна гэсэн дуудлага 10:49 цагт Онцгой байдлын байгууллагад иржээ. Дуудлагын дагуу тус аймгийн Онцгой байдлын газрын 22 дугаар ангийн алба хаагчид очиход иргэн Б-ийн “Prius-20” загварын суудлын автомашин бүрэн шатсан байсныг унтраасан байна.
Мөн Хөвсгөл аймгийн Мөрөн сумын Эрчим багт байшин шатаж байна гэсэн дуудлага 14:54 цагт ирсэн бөгөөд Онцгой байдлын газрын 27 дугаар ангийн алба хаагчид очиход иргэн Г-ийн эзэмшлийн 12х9 метрийн хэмжээтэй, хоёр давхар байшин шатаж байсныг ажиллан унтраажээ.
Түүнчлэн Говьсүмбэр аймгийн Сүмбэр суманд авто засварын газар шатаж байна гэсэн дуудлага 19:02 цагт бүртгэгдсэн байна. Тус аймгийн Онцгой байдлын газрын 37 дугаар ангийн алба хаагчид очиход иргэн Т-ийн 20х10 метрийн хэмжээтэй авто засварын газрын барилга шатаж байсныг унтраан, аюулыг бүрэн арилгасан байна.
|
Нийгэм
