Б.ЭНХЗАЯА
Согтууруулах ундааны зүйл хэрэглэсэн эмэгтэйг зодож, дээрэмдсэн этгээдийг илрүүллээ. Тодруулбал, “Согтуу эмэгтэй хүний гар утсыг дээрэмдээд байна” гэх дуудлага, мэдээлэл энэ оны 2 дугаар сарын 27-ны өдөр 02 цагийн орчимд цагдаагийн байгууллагат бүртгэгдсэн байна.
Уг дуудлагын дагуу согтууруулах ундааны зүйл хэрэглэсэн эмэгтэй хүний “Samsung A56” загварын гар утсыг нь дээрэмдэж, зодсон нөхцөл байдлыг шуурхай бүрэлдэхүүн тогтоожээ.
Уг гэмт хэргийг үйлдсэн байж болзошгүй иргэн А-г шуурхай сурвалжилж, илрүүлэн мөрдөн шалгах ажиллагаа явуулж байна.
Иймд иргэд та бүхэн архи согтууруулах ундааны зүйлийг хэтрүүлэн хэрэглэхгүй байх, өөрийн болон бусдын аюулгүй байдлыг ханган найдвартай такси үйлчилгээний байгууллагаар үйлчлүүлэхийг ЦЕГ-аас сэрэмжлүүллээ.
|
Нийгэм
