Б.АМАРТҮВШИН
“Нэгдсэн Монгол Хөдөлгөөн” ТББ-ын гишүүд 4000 мод тарилаа
Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх-ийн санаачилсан “Тэрбум мод” үндэсний хөдөлгөөн болон “Бүх нийтээр мод тарих үндэсний өдөр”-ийг тохиолдуулан улс орон даяар мод тарих ажил өрнөж байна.
Энэхүү аяны хүрээнд “Нэгдсэн Монгол Хөдөлгөөн” төрийн бус байгууллага Ойн газар болон Монгол Цэргийн Нэгдсэн Холбоо-той хамтран “Цагаан даваа” дахь хогийн цэгийн орчмыг ногооруулах хаврын мод тарих арга хэмжээг зохион байгуулж, нийт 4000 ширхэг мод тарилаа.
“Цагаан даваа”-ны хогийн цэгийн орчмыг ногоон төгөл болгох зорилготой уг арга хэмжээнд Монгол Улсын Ерөнхийлөгч Ухнаагийн Хүрэлсүх, Гандантэгчэнлин хийд-ийн Тэргүүн их хамба лам Д.Жавзандорж, Батлан хамгаалахын сайд бөгөөд “Нэгдсэн Монгол Хөдөлгөөн”-ий тэргүүн Д.Батлут, Байгаль орчин, уур амьсгалын өөрчлөлтийн сайд Ц.Сандаг-Очир болон бусад албаны төлөөлөл оролцов.
Мөн байгаль орчноо хамгаалах, хот орчмын ногоон байгууламжийг нэмэгдүүлэх үйлсэд хувь нэмрээ оруулсан “Нэгдсэн Монгол Хөдөлгөөн” ТББ-ын 500 гаруй гишүүн идэвхтэй оролцсон байна.
|
Нийгэм
