АДМИН
Боловсролын ерөнхий газар, Азийн хөгжлийн банкны дэмжлэгээр Багшийн хөгжлийн ордны 1 давхарт “Байгалийн ухааны жишиг лаборатори”-ийг байгуулж, өнөөдөр албан ёсоор нээлтээ хийлээ.
Тус лаборатори нь математик, физик, хими, биологи, газарзүй, мэдээллийн технологийн 6 чиглэлээр нийт 296 нэр төрлийн, 1881 ширхэг багаж, хэрэглэгдэхүүн, тоног төхөөрөмжөөр тоноглогдсон бөгөөд багш, сурагчдын туршилт, судалгаа, инноваци, бүтээлч үйл ажиллагааг дэмжих орчин болж байна.
Нээлтийн үйл ажиллагаанд УИХ, Засгийн газрын гишүүн, Боловсролын сайд Л.Энх-Амгалан, Боловсролын яам, Азийн хөгжлийн банк, их дээд сургууль, ерөнхий боловсролын сургуулийн удирдлага, багш, судлаачид болон боловсролын салбарын төлөөллүүд оролцлоо.
Энэхүү лаборатори нь Азийн хөгжлийн банкны санхүүжилтээр хэрэгжүүлж буй “Эдийн засгийн хүндрэлийн үед боловсролын чанар, хүртээмжийг сайжруулах” МОН-3594 төслийн хүрээнд 2021-2026 онд хэрэгжсэн ажлын үр дүн бөгөөд байгалийн ухааны хичээлийг орчин үеийн технологи, туршилт, судалгаанд суурилан заах боломжийг бүрдүүлж байгаагаараа онцлог юм.
Арга хэмжээний хүрээнд:
- Байгалийн ухааны жишиг лабораторийн үйл ажиллагааны танилцуулга
- Сургалтын хэрэглэгдэхүүний менежментийн системийн танилцуулга
- STEAM боловсролын шийдлүүд
- Робот кодчилол, дижитал лабораторийн хэрэглээ
- Физик, хими, биологи, газарзүй, мэдээллийн технологийн өртөөчилсөн туршилтуудыг зохион байгууллаа.
Мөн ерөнхий боловсролын сургуулийн багш нар өөрсдийн боловсруулсан сургалтын хэрэглэгдэхүүн, туршилтын арга зүй, судалгаанд суурилсан хичээлийн туршлагаа танилцуулж, шинжлэх ухааныг сонирхолтой, хүртээмжтэй хэлбэрээр суралцагчдад хүргэх боломжийн талаар арга туршлагаа хуваалцлаа.
УИХ, Засгийн газрын гишүүн, Боловсролын сайд Л.Энх-Амгалан хэлсэн үгэндээ “Энэхүү лаборатори нь зөвхөн тоног төхөөрөмж бүхий танхим биш, харин хүүхэд бүрийн шинжлэн судлах хүсэл тэмүүллийг асааж, багшийн арга зүйг шинэ шатанд гаргах, шинжлэх ухаан, технологи, инновацид суурилсан боловсролын шинэ орчин юм” хэмээн онцлон тэмдэглэлээ.
Цаашид тус лаборатори нь:
- Сургалтын хэрэглэгдэхүүний туршилт, танилцуулга
- Багшийн мэргэжлийн тасралтгүй хөгжил
- Хичээлээс гадуурх STEAM дугуйлан
- Олимпиад, эрдэм шинжилгээний ажил
- Судалгаанд суурилсан сургалт
|
Нийгэм
